Melcher kretzschmer gesworn(er) Richter Jnnwoner der Stad goltperg gregor windisch
andres lobisch czechel pawel birnt bronig mertel steler paul angste vnd m(er)tes feller
Bekennen das vor vnns Jngehegte dinge birnt bronigk bekantte das er eine halbe marg
Jerlichs czinses vmb funff margk yder xxiij bemisch gl vor eine margk gerechent
uff sein forwerg czunegst nechst wenczels vnd der greger greberin gelegen Recht vn(d)
redelichen den wirdigen H(er)rn vnd Brudern Hans Jois von Jeben Jn der plebania vor
kaufft hette globend Jm vnd nachkumenden Brudern sulchen czinns vff negsten
pfingst tag anczuheben vnd also fort vff gemelten tag Jerlich czugeben vnd
ob das nicht geschege so sal der Richter die czeit gemelten H(er)rn der plebania
czu dem genanten forwerg pfandes genugs(am) vorhelffen lassen die pfand
vorseczen ader verkauffen vor den vorges(chrieben) czinns on alle krieg ane vff
haltunge domit begangen wern vnd desgleich vorborge vnd wen birnt bro
nigk ader die seine sulchen czins xij bemisch grossen widerkauffen wollen
das sullen vnd mugen si thun mit funff margken yder xxiij bemisch gl
vor eine margk gerechent mit mitte rechnung vorges(chrieben) czins nach quar
talia czal erlauffen sal Jm gege(n)t werden vnd ij weiss gl von den brieff
Act(um) quinta f(eri)a p(ost) Jnuocauit a(nn)o x(c) In xxij Jare(n)