Wir Typrand Reibnicz von Kirlachsdorff von kuniglicher mechte zu Behmen houptman der ffurstenthumen Sweidnitz und Jawor Beken
nen uffentlich mit diesem brive allen die en sehn horen adir lezen Das vor vns komen ist der Tuchtige heince von Redern zu Kunczendorff ge
sessen gesunde leibe und guter vornunfft und hot mit wolbedochtem mute recht und redlich In eym ewigekouff vorkoufft vorreicht und In
vnser hende williglichen uffgelossen dem Erberweisen Bartholomeo Pawer burger zu Lemberg und sein erben eyne Teichstat uff seinem und
seiner armen leuthen guttern zu Kunczendorff bei dem langenborwerg Im weichbilde zu Lemberg gelegen vornemlich also das der gemel
te Bartholomeus Pawer unde seine erben den Tham schuten mogen wie hoch lang und breit Sie wollen zu Irem besten fromen und als Ime
Teiche not sein wirt und das wasser In dem Thamme fullen und mogen Sie furen funff adir sechs elen hoch und wie hoch sie wollen ungehin
dirt und sullen ouch die wasserleuffte und wassergraben furen theilen und weisen uff des genten heincen Rederers und seiner armen leuthen
guttern auß und eyn wie en das not thuen wirt ungehindert Ouch ab der gentel Bartholomeus Pawer und seine erben wurden bawen fischen
adir andir gescheffte bey dem teiche haben So sullen und mogen sie doran reithen und faren und alles not thuen wurde ouch erde uff des
genten heincen Rederers und seiner leuten guttern zu Irem Teiche nemen ungehindert Ouch hot doselbst der obgemelte heince von
Redern dem genten Bartholomeo Pawer und sein erben in eym ewigekouffe vorkoufft vorreicht und in vnser hende williglichen uffgelos
sen eyn stucke zu eynem Teiche von dem obgeschreben Thamme bys an der langenborwerger grenitze und von eyner strasse bys zu der an
dern Dorzu hot die Togentliche ffrawe Margaretha des genten heincen von Redern ehliche hausfraw Iren willen und vorwort von wegen
Ires lipgedinges gegeben und das bynnen durch den woluchtigen michel von Spillner Irem Bruder und vormunden uffgelossen Czu sulchem
kouff vorreichung und ufflassung haben wir von kuniglicher gewald vnsern willn und gunst gegeben und haben dem uffgenten Bartholo
meo Pawer und sein erben die obgente Teichstat zu Kunczendorff mitsampt einem stucke zu einem teiche von dem gemelten Thame bys an der
langenborwerger grenitze von einer strasse bys zu der andern In allirmoss und meynung als obgeschreben stet gelehn und gelangt leihn und
langen gemachsam und ungehindert zuhaben zubesitzen zuvorkouffen zuvorsetzen und an Iren nutz und fromen ewiglich zuwenden von
sers hren kuniges lehn In sten und rechten vnschedlich Mit orkund diesz briefs vorsiglt mit des obgenten vnsers hrn kuniges anhangn
den Ingsigil des wir von seinen wegen als eyn houptman In den obgenten ffurstenthumen obir lehn und sachen gebruchen Gescheen zu
Lemberg und Beben zur Sweidnitz Nach cristi geburt vnser hren Vierzczenhundirt dornoch Im Czweyundsechtzigsten Jaren am dornstage
nach Sand Jacobi tage des Zwelffboten Do bey sein gewest die tuchtigen Jorge Asse von Zcedlitz hanns Czirnlitz von Zcedlitz Typrand
Reibnicz von ffallenberg und der namhaftige hannos Schoff vom kynast kanczler und hofmeister zur Sweidnitz der diesen brieff hot ge
habt in Beuelung