Wir Kazimir vonn Gots gnaden Herczog Inn Slezienn Teschienn vnnde Grossenglogaw vonn
koniglicher macht In behaimen hemptman der ffurstentumben Sweidnitz vnnde Iawor bekennen
offentlichen mit diessem brieffe vor allen die ehn sehn horin adir lezen das wir angesehen haben vley
sige vnd demutige bete darczu manchfeldige getrawe vnde an nehme dinste welche vns der vor
sichtige Mathis Nichte Schultis In azowe an Stad koniglicher maiestad erzeiget vnde gethon hot
vnde vorbasmehir In kunfftigen czeiten thuen sall vnde mag vnde haben mit wolbedochte mutte
als eyn Hemptman koniglicher maiestad der gemellten ffurstentumben Sweidnitz vnde Iawor
vnde von koniglicher macht In behaimen dem gnantten Mathis Nichte das gut vnde fforwerg das
do gnant ist das Trewigforberg Im weichbilde In Lewmberg gelegen mit aller vnde Ieglicher seyner
czugehorunge woran vnde welchirley das gesein mochte Nichtes außgenomen vorreicht vorlehnt vn
de vffgelossin das is vorbasmehir Erb vnde Eygen sein sall vnde Nemlich noch tode des gnantē Ma
this Nichte an Seyne Erben vnde rechternochkome Tochtern allso Sonen Inhomen vnde Ingefallenn
vnde das Czuhaben czubesitzen czugeniessen czugebrauche czuvorkeuffen czuvorsetzē noch tode des ge
mellten Mathis Nichte Tochtern allso Sonen domit czuthuen vnde czulossen wie ehn das allerfug
lichst sein wirt In Ewygen gezeitt vnsers hern konigis lehn dinsten vnde rechten dach vnsched
lichen Auch sall vnde will der vorgnante Mathis Nichte des vorgemellten guttes vnd fforwergis
bey Seynen lebetage gantz frey vnde gewelldig sein domit czuthuen vnde czulossen vor Seynē Er
ben vnde rechternochkome Tochtern allso Sonen vnde vor Iedermangleich aller sachen gantz vn
gehindert Sollge gunst vorreuchunge vnde vfflossunge des obgemellten guttes vnde fforwerghes
Trewigforberg gnant mit seyner czugehorunge Im weichbilde In Lewmberg gelegen Nichtes auß
genomen Erb vnde Eygen cuseyn haben wir von koniglicher macht In behaimen dem obgnanten
Mathis Nichte bey Seynen lebetagen vnde noch Seynem tode Seynen Erben vnde rechternoch
komen Tochtern allso Sonen Inn allermossen adermuge vnde beschaidenheitt alls obingeschrie
ben stehet Confirmiret vnde bestetiget Confirmiren vnde bestetigen ehn das auch In crafft vnd
macht diß brieffes vorsigellt mit obgnanten vnsers hern konigis anhangenden Ingesiegell des
wir von fernernwegen alls eyn Hemptman In den obgemellten ffurstentumben obir lehn vnnd
sachen gebrauchen Gescheen denn Iawor vnde Gegeben czur Sweidnitz Noch Cristi geburt
Vierczehenhundert dornoch Im tzweevnddenewnczigsten iore am Sonnobend vor vrbani So
bey Sind gewest die Erbare wollentchtige peter Vebillstrug vonn Sebeneichn Cuntze hneberg von
gerssdorff Cristoff Zopatth In Eickewitz vnd der wollnamhafftige arnest Schoff vffm kynnast
gesessen Cantzler czur Sweidnitz der dissen brieff gehabt hot Im befelunge