Wir Steffan von zopalien Graff ym Zypz von kuniglicher mechte zcu Behemen Houptman der furstenthumen Sweidnitz vnd Jawber Bekenne offintlichin mit diesim briefe vor allin
die ehnn sehind horin adir lezin das vor vns komen ist der Erber Bernhard rawssindorff gesunde leibis vnd guter vornufft vnd hot mit wolbedochtim mute recht vnd redelich noch
seinem vnde seines weibes tode Ewiglich vnd Erblich Gegebin vorreicht vnd In vnser beisein volliglich vffgelassin dem wirdigen herrn dem Komptr vnd der ganzen sa
melungen zcu lemberg vnd zcu dem hause doselbst des ordens Sand Johannis hierosolomitani dodo itzundir sind adir Inzukunfftigin gegebin sein werdin Alle vnd igzliche
seine Gerechtikeit vnd allis das her hot adir ymmirhin gehabin vnd gewynnen mochte Is sey Erblich adir vff widirkauff In vnd vff dem gute vnd dorffe plackewitz doselbst
ym weichbilde zcu lemberg gelegin Is sy an hofe vorwerke Gabulisse Gebawen vngebawen Renthen Zinsen czinsigen adir Getreidige Peken wesen welde
posthen stuticht strutaicht Teichen Teichsteten woran adir welichirley das allis geseyn mochte Is sey benand adir vnbenand keines vssgenomen Nichts denir das allir von
aldirs In allin seinen rechten granczen gelegin ist vnd leith das allir zchabin mit allin sulichin rechtin nuczen genissen fruchtbarkeiten freyheiten hirschafftin weiden vnnd
gnaden Inallirmose vnd weize als is der obgenante Bernhard rawssindorff selbir gehabin hot vnd besessin des zcu einer widirstatunge so sal der genante Komptr vnd
die gancze samelunge zcu lemberg des ordens Sand Johannis hierosolomitani dodo itzundir sind adir Inzukunfftigin gegebin seyn werdin Zcu ewigen geczeitin vor sich vnd
vnd seine eliche hausfrawe zcu einem zelgerethe vnd zcu ewigen gedechtnisse alle tage Eyn Salue regina allerczirlichstis nochtenande komende vmb des zeigers drey
vndczwenczigste zcu lobe vnd ere vnsir libin frawen singen lossin vnd bestellin wes dorzcu gehoret vngenerlichin Auch alle vnd igzliche Quatuortem nochtenande
den donirstag Eyn vigilia mit Nevin lecin zubestellin vnd den freitag dornoch Eyn Requiem mit czween minstrante an stad der heiligen messe gancz aussgesungen
Dorzcu sullin sie vor seinen vatir vnd mutir Adir vatir vnd eldir mutir von ehn vnd seiner hausfrawin zelen yn ir toten buch schreibin lossin vnd zcu ewigem gedecht
nisse vor sie beten vff das so sal vnd wil der obgenante Bernhard rawssindorff vor dem obgenantin Komptr vnd der ganczen samelungen zcu lemberg des ordens Sand
Johannis hierosolomitani dodo itzundir sind adir Inzukunfftigin gegebin sein werdin bey seinen lebetagin all der obgeschrebin Gerechtikeit vnd seines gutis das her
hot In vnd vff dem gute vnd dorffe plackewitz gewaldig seyn domete thun vnd lossin vor eynem yderman noch freyer wolkore allirczit vnd vngehindirt In sulchir
Gobe vorreichunge vnd vfflassunge habin wir von kuniglicher gewald vnserm willin vnd gunst Gegebin vnd habin dem obgenantin Komptr vnd der ganczen same
lungen zcu lemberg vnd zcu dem hause doselbst des ordens Sand Johannis hierosolomitani dodo itzundir sind adir Inzukunfftigin gegebin sein werdin Alle der obgenan
Bernhard rawssindorff Gerechtikeit vnd seines gutes noch seinem vnd seines weibes tode die her hot In vnd vff dem obgeschrebin gute vnd dorffe plackewitz nichts
vssgenomen Mit allin rechtin hirschafftin weiden vnd gnaden Inallirmose mennige vnd vnderscheide als obingeschrebin steet Gelehind vnd gelaupt leihind
vnd laupen gemainsam vnd vngehindirt zchabin zubesiczind zunuczen vnd zunieszin vnd an Iren nucz vnd fromen noch ehnn das allirfuglichste vowe sey
ewiglich zuwendin vnnd die obgeschrebin guter vnd Gerechtikeit dem obgenantin Testament vnd zelgerethe Inkeinerleyweize zu entfremdin noch entfremdin vnsers
herrn des kuniges lehin dinstin vnd rechtin vnschedelich zcu vrkund dis briefes vorsigilt mit des obgenantin vnsers herrn des kuniges anhangindin Ingesigill des wir
von seinen wegin als eyn houptma In den obgenantin furstenthumen obir lehind vnd zchut gebrauchen Gegebin zcu Stregin vnd Gegebin zcur Stregin Nach xpi
geburd virczehnhundirt dornoch In den dreyvndsebnczigistim Jarin am Sonnobende vor katherine dobei sind gewest die Erbin woluchtigin vnd Namhaff
tigin her Johannes sebante Komptr zcu olsen Nickoff zedlitz vndirhouptma Jorge saula Nickel parchanter vnd der wolnamhafftige Nickoff stroff von
fonaste Kanceler vnd hofescribir zcu Sweidnitz der diesin brieff gehabin hot Inbefelunge