Vnsern guntzigen grus zuuorn Ernuester veltechtiger vnd sunder guter gonner Eweren gutten
willen vff vnser ersuchen vnd anlangen dem orden vnd vnserm hause zu Lemberg erzeigt thun
wir In gros geneigtem willen ann Dieweil ir dan all vnsere guter zu Plarkwicz bey Lemberg gelegen
sambt aller herlikeit vnd frelheit wie ir besessen vnd vber vnsere zeit In geruhlichem besicz
gehabt vnd genossen vnserm hause zu Lemberg In blosen erblichen zins teil testamentz weis vber
geben zum teil verkaufft vnd vor der koniglichen Maiestat durch ewern volmechtigen vns habt lasen
aufflasen Vnd kunigliche Mat(estat) soliche auffgabe testament vnd kauff gnediglichen bewilliget vnd Ewer
vnd vnserem vnd kunfftigen Comendatorn gnediglichen zugelasen gethon vnd gewiset Soliche gutter
ewiglichen bey dem orden vnd hause Lemberg zubleiben Ist an euch vnser gutlich bit Ir wolt
gestatten zulasen vnd laute der vorschreibunge welche mit vnserem willen zugelasen abgeben ewer
guter zu Plarkwicz sambt ewerm theil an den enden weisen vnserm hause Lembergk
gutwillig abtreten auff das wir beim ewerm lebtagen mochten erweckhen vnd sehen welcher mehr vnnd
grosser nucz vnd herlikeiten an solichen bemelten guttern zuhaben vermuthen mochte das wir wegen
des ordens vnd Im macht der Behemischen priorats loblicher ankunfft nach gegen meniglich geist
lich vnd weltlich vertreten vnd hanthaben bedacht vnd enthemen Derwegen wir auch solichen
handel nach durch vnsern Stathelter vnd Comtor zu Lemberg neben andern Comtorn vnd gutten
leuten an stat des ordens vnd vnser zugesagt Ist auch von vnserm hause Lemberg wol gehalden
vnd trewlichen erfordert vnd volczogen worden alles trewlich vngeuarlich Zuczlicher
hoffens theten billicheit gutwillig scheiden lasen Das sein wir Im allem gutten vmbzumb
steht auch zubedencken geneigt vnd willig Datum zu Strakonitz Sontags nach der heiligen
Dreier konigen tage Im xxiij Jare
Johannes von Sternbergk
Prior auff Strakonitz