Dem hochgebornen furste(n) und herren . h(er)n Bolken von got(es) gnaden herczogen in Slezien und
herren czur Svidnicz czu furstenb(er)g und czum Srigc unsirm lyben vethir . Enpiet wir Wenczslaw
der erste von got(es) gnaden herczoge in Slezien und herre czu Lignicz unsirn dinst und Ewicliche
fruntschaft . wisset lyber vethir daz wir uch bekennen an disym offin brive und sprechen das by un
sern furstlichen truw(e)n / daz der co(m)ptur von Lichte(n)now von siner sache wegin von dem Gogen
sich mit uns bericht hat allir sache umb das geld daz yn geburte / und daz habe(n) wir weg bescheyde(n)
und habin daz vor uns globit und gegebin ec . wen y . heym houf czwischin uns geschaeh umb daz
land . do(ru)mme bete wir uch lyber vethir daz irs tut durch unsirs dinstis wille(n) und dy kirche nicht
beku(m)mirt noch beswert nach das geld undirweisi von yn nemt . des welle(n) wir gerin umb uch
vorschulden Gegebin czu Lignicz an unsir vrowen tag als sy geboren wart Nach got(es) geburt
Druzenhundirt jar in dem achte und funfczigisten jare