Wir Przimislaw von gots genaden herzoge zu Tesschin und in Slesien und herre zu Glogow Bekenne und tun
kunt offinlich mit disem bryue das vor uns ist komen der erber knecht hans wysthube mit wolbedachten
muote mit rate semer frunde in gesundicheit semes lybes und hot ufgerichtet und gebn agnethen semer
lieben hawffrowen zehen mark geldes pragescher grosschen und polonisscher zal in dem dorffe Cripitz gelegn
in dem Strelichssen gebiete dy er doselbes gehat hot zu eyme rechten leipgedinge alss leipgedinges recht und
gewonheit ist in dem Strelichssem gebiete mit alln rechtn und zugehorunge nichtes usgenome in alder moss
und weise alss das derselbe hans wisthube bis her hat besessen und ingehalden und hot zu formunde korender
egenan agnethen Jenczen Schoff meyn vater Sigemund von pogerel heinrich predel und heinrich bischoffes
heim. Und des habn wir des obgenan heinriches wisthuben bete angeschen und habn der egenan agnethen
dy vorgeschriben zehen mark geldes in dem dorffe Cripitz bestetiget zu eyme rechtn leipgedinge alsse
leipgedinges recht ist zu behalden und besitzn in aller der mosse alss vorstet geschriben und bestetigen
das also mit krafft und urkunde dises geginwertigen bryues vorsigelt mit unsirm anhangnde ingesigel
Der gebn ist noch Cristus geburt Drizeenhondirt Jar darnoch in dem fumf und achzigesten Jare uff den
Suntag alss dy heilge kirche in der vasten singet Oculi. und do by sein gewest her hentzel hunt Ritter Conrad
vom hayne der alde. hans von koczkonitz Conrad vom hayn der Junge. Ernist von karketsch Peter
schoff und Johannes von Cassel unsir kentzeler und vyl ander erber lewte

Johannes de Cassel.