Wir agnes von gotis gnaden. Herczoginne von munstirb(er)g. Vnd vrowe zu bareth. Tun kunt allen den
dy dysen kegenwertigen brif sehen adir horen lesen das wir an gesehen habin dy getruwin dinst. dy vns
her. knecht von hugwicz. com(m)entur an der olsen vnsir libir getruwir sam(m)t ist behegelich ist gewest
vnd zukumftig. getzeycin ouch me sal behegelich syn deme selbin hern knechte von hugwicz vnd syme
huse czu der olsen ab an ym icht geschege des got nicht enwolle vnsir lantgerichte das wir habin
uf vnsirn dryen dorffirn margentow symansdorf vnd brosse. von sundirlichen gnaden gebin wir is vnd
lehen is von sente michaels tage der nu nehist zukumftig ist obir zwey gancze Iar. vorbas czu cze
len. vnd czu nuczen. Czu eynir gewisheyt vnd sichirheyt hab wir dysen brif bestetigt mit vnsirm
yngesigil. Gegebin czu munstirb(er)g. an vnsirn vrowen abinde lychtewyge Nach cristis geburt.
tusint dryhundirt vnd yn dem fumfczigisten Iare.