Wyr Ruprecht von got(is) gnaden In slesien herczog vnd Com(en)tur czur olszen Beken(e)n
offintlich mit desem briffe allen den dy en sehen horen ad(ir) lesen das vor vns komen
ist Nickil przeborner von hawnaw In gesun(d)ikeit leybis vnd mit vornunft vnd mit
willen vnd rathe seyn elichen hawssfrawe(n) Barbaren vnd off sich vorkawft vf eyne(n)
rechten wedirkawf Eyne halbe marg Ierlichis czinsis vmb funf marg bemischer
grossin wol getzalt die en bereyt bezalt hot vnss ordins dyner Nicklos rost
uf allin gubin erbis die der egena(n)te Nickil p(r)zborner hot czu hawnaw gelegin In
vns(er)m gebite den selbin czins glowbit her czu geldin vnd czu gebin alle Iar Ier
lich vf sand michils tag dy czu hebin der nuhe nehest czu ku(m)ftig wirt eyne halb
marg grossin dem egena(n)t(e)n Nicklos vns(er)s ordins dyner adir wem her den czins be
velit czu hebin vnd abder egena(n)te Nicklos przeborner adir seyne geerbin den czins
nicht gebin vf den tag als obenbenat ist So globbe wir vnd alle vns(er) nochkomende
Com(en)tur Nicklos roste adir wer des czins von seyntwegin walt phandin czu helfen
uf des egena(n)te(n) przeborners gute czu hawnaw vnd mit dem phande thun vnd lossin
noch alle(m) recht do mithe begangin wern an sulchin vndirscheid ab der egena(n)t(e)
przeborner adir seyne geerbin den czins wedir ablosin weldin wenne sies vormochtin
mit vmb funf marg grossin der vorgenante(n) mu(n)cze vnd zal vor abgange Ierlichin
czins So sal e(r) das Nicklos rost adir wer des czins walt von seyntwegin antwrtin
freylich an alle arg vnd ab begit Nicklos rost abher vorstherbe von deser
werlde Inden Iare(n) do got vorseye So sal der egena(n)te czins vnd geld an
nymandis komen noch gevallin wenne an das hawss czur olszen ane alle
hindirnis des czu eyne(m) woren bekentnis vnd czu vrku(n)de des briffs habin wir
vns(er) Ingesegil an desen briff losen hengin do bey seyn gewest h(er) franczke hawnaw
p(r)ior czur olszen thome loure(n)cz snellewalt the(r) Iacob Czirnaw the(r) Nicklos ding
czach cister czur olszen vnd vil andir erber lewthe Gegebin czur olszen Noch
cristi gebort vierczehinhu(n)dirt Iar dornoch In dem Nu(n)czehindin Iare an des
heyligin czwelffbotin tag sand And(r)eis ap(ostoli)