F R A T E R Joannes de Valleta Dei gratia Sacre domus hospitalis Sancti Joannis hierosolymitani Mag(iste)r humilis pauperumq(ue) Jesu Christi Custos Et nos baiuliui,
priores commendatarij et fratres concilium completum ad Dei et ordinis n(ost)ri obsequium domino celebrantes Ven(erabi)li religioso in Christo nobis p(re)charissimo fratri Wenceslao bario
A hassemburg Prioratus n(ost)ri Boemie Priori et cuicunq(ue) alteri in eodem prioratu presidenti seu Locumtenenti Salutem in domino et diligentiam in commissis nostrisq(ue) fir=
miter obedire mandatis Cum Capitula seu comitia generalia a nostris maioribus sapientissime in n(ost)ro ordine instituta sint ut que deformata in dicto ordine reperiun=
tur tam circa mores religiosorum n(ost)rorum q(uam) alias reformentur leges ac statuta ad bene beateq(ue) viuendum accomode condantur ceterisq(ue) rebus que ad firmandum, au=
gendum, amplificandum et conseruandum statum n(ost)ri ordinis facere dignoscuntur consulatur et prouideatur, Decreueramus sicut a R(eueren)dis sexdecim indictum et
decretum erat Capitulum n(ost)rum generale secunda dominica mensis Januarij Anni Millesimi Quingentesimi Sexagesimi primi ab incarnatione celebrare, Verum
temporum iniuria rerumq(ue) qualitas, et varia ac inopinata impedimenta Classis precipue turcharum prorogandi ipsum multoties coegerunt Demum nos in vnum legi=
time ac more solito conuocati et congregati (authoritate capitulari fungentes) celebratione dicti Capituli in prima dominicam mensis Septembris proxime futuri
distulimus ac prolongauimus Quapropter cum n(ost)re intentionis et mentis sit cessante iusto impedimento dictum capitulum generale eo die habere et celebrare inuicem
maturo et deliberato consilio de n(ost)ra certa scientia tenore p(rese)ntium vobis ceterisq(ue) baiuliuis Comendatarijs et fratribus dicti prioratus notificamus et Insinuamus q(uod) prenomi=
natum capitulum generale habebitur et (diuino suffragante auxilio) celebrabitur hic in conuentu n(ost)ro dicta prima dominica mensis septembris anni proxime sequen=
tis. Te igitur ven(erande) Prior monemus, hortamur, et citamus et, si opus fuerit in virtute sancte obedientie tibi precipimus et mandamus ut predictum Capitulum
die prefixa accedas et compareas personaliter vel per procuratorem de generalibus et particularibus negocijs illius prioratus sufficienter instructum, Insuper
tibi aut in tua absentia locumtenenti tuo seu ut premittitur presidenti mandamus ut his n(ost)ris literis acceptis in capitulo seu assemblea prouinciali eiusdem priora=
tus ad hoc ipsum per te conuocata et celebrata illas ad claram omnium notitiam legere et publicare facias Et habita simul consultatione ibidem Commendata=
rij dicti prioratus procurator de negocijs eorum bene instructum eligant et deputent ante dicti capituli celebrationem deliberationibusq(ue) et consultationibus
eiusdem ac ven(erabi)lium sexdecim capitularium actis consentiendum iuxta formam statutorum n(ost)rorum. Significantes vobis premissis quod v(est)ra absentia in ali=
quo non obstante capitulum ipsum in termino statuto celebrabitur secundum formam statutorum n(ost)rorum. In cuius rei testimoniu(m) bulla n(ost)ra communis plumbea
p(rese)ntibus est appensa. Datum Melite in conuentu n(ost)ro die vigesima tertia mensis octobris Millesimo Quingentesimo Sexagesimo tertio.

R(egistra)ta In cancell(ari)a

f. Mego Regens Cancell(ar)ie