Wir Leopold von Gottes gnaden Erwelter Römischer
Kayser Zü allen zeiten mehrer des Reichs in Germanien zü Hungarn Böhaimb Dalmatien Croatien vnd Sclauonien König Ertzhertzog zü Öster
reich Marggraf zü Mähren Hertzog zü Lützenburg vnd in Schlesien vnd Marggraf zü Laußnitz. Bekennen offentlich mit disem brieff vnd thun kundt allermänniglich, daß vns der Ehr
würdige Vnnser Andächtiger vnd lieber getreuer Hieronymus Hirnheimb vnterthänigst züvernemmen gegeben, waßmaßen Er nach inhalt geistlichen Rechten, vnd vnnsers Königlichen darvmb
Instituten wie auch in gegenwart vnserer Königlichen Commissarien durch ordentliche Wahl zum Abbt vnd Vorsteher des Conuents Præmonstratensis des Closters Strahoff auff dem
Berg Sion zü Prag genennet, erwehlt vnd Constituiret worden, mit gehorsambster bitt, Wir geruheten solche Wahl gnädigst zü Confirmiren vnd zübestättigen. Wann Wir
nun solche vnterthänige bitt, vnd deßhalben Wegen seines Wandelts, guetten Qualiteten, vnd Gottesforchtigen lebens vns vbergebene Vrkunden in Kayser(lichen) vnd König(lichen) gnaden angesehen.
Alß haben Wir sothane Election gnädigst ratificirt vnd bestättigt. Thuen es auch hiemit wissentlich vnd in Krafft diß brieffs, also vnd dergestalt, daß Er Hieronymus Hirnheimb das ob
gemelte Closter Strahoff auff dem Berg Sion, vnd die darzü gehörige Stifft vnd Clöster, auch deroselben Vnderthanen vnd Zugehörige, nicht allein in spiritualibus zü Lobe Gottes, vnd deß
Allmächtigen, vnd zü fortpflantzung des allmeinen Catholischen Christlichen glaubens. Sondern auch in temporalibus aller deßelben Vnderthanen vnd Zugehörige guets Stifft Nutz vnd aufnemen, seinen
besten verstandt vnd vermögen nach Regieren, die Ordens disciplin vleissig vnderhalten, vnd als ein treuer Abbt vnd Vorsteher treulich verwalten solle, vnd thue, deßgleichen Er sich auch ge
buhrlichen vnd zü vnserer König(lichen) Böhaimbischen Cantzleyen verstandenen pflichten nach, deß Vnsers vnd vnserer Erben vnd Nachkommen theils, wie es obgedachtem, vnd auch deßhalben
gethanen Eydt. Gebieten darauff allen vnd ieden vnseren Vnderthanen vnd Zugehörigen was Würden Standts Ambts oder Wesens die seind, daß Sie mehrerwehnten Hieronymum
Hirnheimb vor einen Rechtmässigen erwehlten, vnd von vns Confirmirten Abbten, des Stiffts vnd Closters auff dem Berg Sion in Strahoff genant, deroselben Vnderthanen vnd Zugehörigen
erkennen, ihme vnd seinen Stattshaltern in deroselben obgedachten Stiffts, vnd deßelben in vnserer Jurisdiction, Administration vnd Regierung, wie nichtweniger, was ihme an deroselben
Gebühr, Renthen, Gulten, Zinsen, Zehenden, in allem williglichen folgen, ihne schutzen, handthaben, vnd gebuhrenden gehorsamb, darinn Vndertheniglichen erweisen, vnd zü thun gewertig seyn, nicht darwider
thun, noch thun lassen, bey vermeidung vnserer schweren straff vnd Vngnad. Zü Vrkundt diß brieffs, besiegelt mit
vnserm Kayser(lichen) vnd Königlichen anhangenden grössern Insigel, der geben ist in vnserer Statt Wienn den Sechsten Monats tag Februarij, Im Sechtzehenhundert Siebentzigsten, vnserer Reiche des