Wir bruder Jacobus Abt Johannes Prior Petrus vnderprior Andreas kelner Nicolaus purfner Martinus kuchenmeister Martinus prediger an der pforten Augustinus
pfarrer auf dem Berge zunchuttin vnd die gancze samnung des closters zu Czedlicz Cistercer ordens gelegin in prager pistum Bekennen vnd tun kunt offentlich
mit disem brieffe allen di in zehen lezen adir horen lezen das der Erber bescheiden man Wanko von Sunow in den zeiten richter vnsirs closters ym seinen erben vnd
nachkomen den hoff vnd Erbe in vnsirm dorffe zu Vgezd gelegin mit dreyn huben an eyn firtail in acker wismat vnd puss weize vnd mit allen andern seinen zugeho
rungen di zu dem vorgenan hoffe gehoren Weder di erbarn bescheiden manne Jan von zabrziczan vnd waczlab Slawkowecz vormuden der wayzen etwen peters von
vgezd Anders vnd Waczlabs besiczer des egenanten hoffes vnd erbes mit der selben Wayzen willen vnd rechter Wissen vnd mit vnsir gunst lawbe wissen vnd gute
Willen vmb Funf vnd firczik schok guter prager gross kaufft vnd redlich gekaufft hat vnd beczalt mit bereytem gelde Czu welchem kauffe Wir dem egenan Wanko durch
seiner getrewer dinste Willen di er vns vnd vnsim closter getan hat vnd noch tun mag gebn habn zu hulfe funf vnd czweynczik schok gross der egenan mucze Also das
Wir adir vnse nachkumen das iczunt genante gelt von dem vorgenan Wanko seinen erben adir nachkumen nymermer wollen noch sollen fordern ewiclich in zukunftige zeitin
dasselbe erbe vnd hoff zu habn zu halden zu besiczen vnd zu gebrawchen in purchrecht in allen rechten als di vorgenanten wayzen besessen vnd gehalden habn Doch in
sulcher vnderscheid das di vorgenan Wanko von Sunow seine erbn vnd nachkumen vns vnsim closter vnd nachkumen alle iar ierlich gebn czinsen vnd richten sollen
vnd sein schuldig C~z~w~e~i~ ~s~c~h~o~k~ guter prager pfennyg vnd nicht mer zu rechten erbzins ewiclich in zukunftigen zeiten Eyn halffenteil das ist eyn schok gross der
egenan mucze auf Sant Gurge tag am nechsten zukunftigen vnd das andere halffenteil das ist auch eyn schok der egenan gross auf Sant Gally tag dornoch am
nechsten volgend vnd also alle iar ierlich vnd ewiclich czu richten vnd zu czinsen vff di egenan tage vnvorczogenlich als erbzins recht ist in alles wider sprechen ewic
lich in zukunftigen zeitin Abir kunicgliche steuer lanth steern lozungen roboten stewer huner vnd alle andere auffseczen vnd gebunden sein di vorgenan Wanko seine erbn vnd
nachkumen nicht schuldig vns adir vnsin nachkumen zugebn noch zutuen von welchen allen wir si frey vnd ledig sagen von vnsin vnd aller vnserer nachkumen wegen mit kraft vnd
vikund dicz brieffs ewiclich in zukunftigen zeitin durch der getrawen dinste willen di vns vnd vnsim closter der vorgenan Wanko getan hat vnd zukunftiglich tuen mag Doch beschey
denlich also das di egenanten Wanko seine erben vnd nachkumen vnsir teiche di iczunt sein adir zukunftiglich gemacht mochten werden mitsampt den welden doselbst zu Vgezd gelegi
getrewlich warten hegen sollen vnd huten das holcz daselbin welde noch vnsim geheise vnd nucz vorkauffen vnd gewonliche heg pfennyg von dem selben kauffe von den
lewthen davor vorkauft nemen Andere dinste von dem vorgenan erbe vnd hoff sint die egenan Wanko seine erbn vnd nachkumen vns vnd vnsin nachkumen nicht schuldig
zu tuen Auch ist der vorgenan Wanko frei vnd ledig von beczalung der egenan czweier schok gross ierliches vnd ewiges czinses di weil er vns vnd vnsim closter dynet Abir
wen wir adir vnse nachkumen in vnsim closter dinste en nicht haben wolden adir er vnd seine erbn vns nicht dynen mochten adir wolden von Welherley sache das were
So schol er adir seine erbn vnd nachkumen vns vnsim closter vnd nachkumen czinsen vnd gebn czwei schok gross der egenan mucze alle iar ierlich als obgeschribn stet vnd
sunderlich zu gelegit das di egenan Wanko seine erbn vnd nachkumen mitsampt iren gezinde sollen vnd sein schuldig vns vnd vnsin nachkumen vnd amptlewten gehorsam
sein vnd steen zu vnsim gerichte als andere vnser purchsessen vnd purchrecht lewthe vnd wen di obgenan Wanko seine erbn vnd nachkumen das egen erbe vnd hoff vorkaufen
wolden So schullen si das vns adir vnsin nachkumen am ersten zu kauffen anpieten vnd schriben Ab wir das nicht kauffen mochten adir wolden inwendig czweyen moneten
So mugen si das vorkaufen eynen frumen gehalden manne der vns vnsim closter vnd nachkumen fugsam sei vnd bequeme Vnd wir dysen gegenwortigen brieff hat
mit des egenan wanko guten Willen dem geburen als obgeschribn recht des zu gezeugnus habn wir obgenan Abt vnd Conuent vnsir Jngesigele an dysen brief gehen
get der gebn vnd veschribn ist nach Cristi gepurd Tausent vierhundert iar darnach in dem Sechszehenden iare an Sant Vincencij des heiligen martirers tage