In nomine domini amen Nos Johannes Ebel decretorum doctor pragen(sis) et olomucen(sis) ecclesiarum canonicus curie archiepiscopalis pragen(sis) et apostolice sedis legati officialis presentis transsumpti seu publici instrumenti formam in
specturis seu visuris notum facimus per presentes Quod constitutus coram nobis in iudicio discretus vir dominus Nicolaus plebanus de Grogreczie rector altaris sancte crucis noue ciuitatis corporis christi in montibus cuthnis litteram patentem
in pergameno scriptam sigilloque eiusdem ciuitatis in quadam burga magna rotunda cera alba communi pendenti in cauda pergameni sigillatam in qua quidem
sigillo ex impressura ipsius figura aquille cum alis extensis ex impressura ipsius scuti cum cauda bifida in modum scuti in modum scuti coronati impressam et habens eandem coronam quasi in parte
inferiori circa pedes ipsius leonis et aquille simul iunctis ipsis duobus animalibus admodum crucis hec littera circumscriptionalis eiusdem sigilli explicit in hec verba S(igillum) ciuium de montibus cuthnis sanam et integram
et omni vicio et suspicione carentem non cancellatam non abolitam nec in aliqua sui parte suspectam sed omni prorsus vicio et suspicione carentem presentauit ostendit et exhibuit ac in
manibus suis portauit cuius tenor inferius de verbo ad verbum est descriptus petens cum instancia qua decuit quatenus ipsam litteram pro eo mandare dignaremur transsumi copiari auctenticari et in formam publici redigi
instrumenti cuius quidem auctoritatem ordinariam et decretum interponere ne ipsius copia casu fortuito amittatur Nos igitur Johannes Ebel officialis prefatus attendentes quod iusta petentibus non est denegandus assensus
ipsam litteram sanam et integram et omni vicio et suspicione carentem vt premittitur vidimus et diligenter inspeximus et quia ipsam in nullo vicio nec in aliqua sui parte suspectam reperimus eam de verbo ad verbum transsumi copiari
auctenticari et in formam redigi publici instrumenti mandauimus decernentes et tenore presencium statuentes quod transsumpto huiusmodi deinceps in omnibus et per omnia plena fides adhibeatur tam in iudicio quam extra sicut
littere originali inscriptum igitur transsumptum siue presens publicum instrumentum fieri fecimus et sigilli officiolatus curie archiepiscopalis pragen(sis) appensione muniri in euidens testimonium omnium et singulorum premissorum Datum prage
anno domini millesimo trecentesimo nonagesimo nono indiccione septima die decima mensis septembris hora terciarum vel quasi in domo habitacionis nostre sita in minori
ciuitate pragen(si) prope ecclesiam sancti thome presentibus ibidem honorabilibus et discretis viris dominis petro de chrudim et iohanne de boemicz presbiteris pragen(sis) et olomucen(sis) diocesium testibus ad premissa vocatis specialiter et rogatis
Et ego wenceslaus nicolai de boemicz clericus olomucen(sis) diocesis publicus imperiali auctoritate notarius quia premissis omnibus et singulis dum sic vt premittitur agerentur et fierent vna cum prenominatis testibus presens interfui
eaque sic fieri vidi et audiui ideoque hoc presens publicum instrumentum manu alterius scriptum exinde confeci et in hanc publicam formam redegi signoque et nomine meis solitis et consuetis vna cum appensione
sigilli officiolatus curie archiepiscopalis pragen(sis) signaui in fidem et testimonium omnium et singulorum premissorum rogatus et requisitus