Wir Anselm Frantz von Gottes gnaden des Heiligen Stuhls zu Maintz Ertzbischoff des Heiligen Römischen Reichs durch Germanien
Ertz Cantzler und Churfürst. Bekennen und thun kund offentlich mit diesem brieff, daß Wir uff tödtlichen hintritt Unsers lieben getrewen weÿl(and) Rudolff Wilhelms von Radenhausen Unserm auch lieben getrewen Conrad Adolffs von Radenhausen als nunmehr ältistem und lehenträger
vor sich und in nahmen in obgedachtes ludolff Wilhelms von Radenhausen p(er) m(atrem) nachgelaßenen Sohns Henrich friderichs von Radenhausen ferner gnädiglich geliehen haben, leihen auch ihme dieselbe hiemit und in krafft dieses brieffs, in allermaßen bemelter ludolff Wilhelm p(er) m(atrem)
die noch letzthin von Unß selbsten, vorhero aber von herrn Ertzbischoff Wolffgangen seligen p(er) m(atrem) Undentens hans Wilhelm von Radenhausen empfangen und getragen inhalt Unser lehn brieffs, gegebenen Reversen so wir hiemit zu worten hernachgeschrieben absoluiren. Wir Wolffgang von Gottes gnaden
der heil(igen) kirchen zu Maintz Ertzbischoff, des heil(igen) Römischen Reichs durch Germanien Ertz Cantzler und Churfürst, Bekennen und thun kund offentlich mit diesem brieff, demnach unß unser lieber getrewer hans wilhelm von Radenhausen untherthänig ersucht und gebetten, dieweilen ihme in lehen
heimgefallen, auch in krafft der brieffen geliehen, so dem hartman von der weng sein, und ludwig wilhelmen von lersnern, als verordneter vormunder weÿl(and) Conraden von Radenhausen nachgelaßenen Söhne wegen, Mit Nahmen Jost wilhelmen und Conraden von Radenhausen
die hienige theil: und Mannlehen der ehrsam Conradt hatter seeligen p(er) m(atrem) bestend von Radenhausen und Conradt von Kosen anjetzo von unß p(er) m(atrem) schließer von Kosen, welcher ohne einige leibs erben verstorben, von wegen ihrer haußfrawen und kinder als erben, sambtlichen von unserm vorfahren Ertzbischoff Al
brechten löblichen gedechtnus zu lehen empfangen, gnediglich leihen, und ihme derauß einen haubtbrieff weg von unß ein tausend, funffhundert, Zwantzig drey, und den ein bestettigung und neben vergleichung furgelegt, darinnen der Stammen von Kosen von solchem ihrem theil lehen, nicht außgeschloßen ab
tretten, und dem Stammen von Radenhausen erblich cediren und ubergeben, ihme uff derer weiber außgefallen, mit verbiettung Eß in unßers bestes, der die oder der Stammen von Radenhausen in ha oder unßig lehn verfallen ahn spruch und forderung unß erlaßen wolle, unß also das lehen unß e
her zu zeÿgen. Daß wir darauff diesen seinen untherthänigen bitt unß erbarmen in gnaden, angesehen, und haben ihme hans wilhelm von Radenhausen in nahmen sein selbest und gedachter seiner vetteren von Radenhausen und ihren Mannlehen leibs und lehens erben nachfolgende Mann: und Erblehen gnediglich geliehen,
und leihen die ihnen in krafft dieses brieffs, waß wir ihnen von gnaden und rechtswegen obberuhrter gestalt darahn leihen sollen und mögen, in allermaßen dieselbe weÿl(and) Conrad von Radenhausen vor sich, auch hans Geörgen seines bruders, und der hans Wilhelmen, und Ebers wilhelmen gebrüder
von Radenhausen von Radenhausen vorhin von unßern vorfahren p(er) m(atrem) empfangen und getragen hat, Erstlichen zu Erblehen den burghsaß das ist die behausung beÿ der linden von Pforten zu Amöneburg mit ihrer Zubehorung: Item zu Mannlehen dreÿßig Morgen ackers ohngefehrlich am Seÿlheimer außfann
ahn Zäunen oder Zäunen theilen: Item Sechzehen Morgen ohngefehrlich ahn der leimbauten under dem hain: Item dreÿ Morgen stoßen uff den weg under der reitenarts wiesen: Mehr dreÿ Morgen uff der andern seiten stoßen uff die reitenarts franck; Item Ein Morgen ahn Seÿlheimer pfadt: Item ander
halb Morgen ober der straß ahn hilberß von Radenhausen: Item vier Morgen hinder dem dinghauß und thoren garten beÿ der Muhl, seind anderthalbe Morgen: Item Zween Morgen uber dem weÿherlein lang beÿ dem baum: Item vier Morgen hinder ahm kirchen beÿ der daubtauben: Mehr Sechs Mor
gen ahn Zäunen, theilen seind der Präsenz zu Amöneburg verjahrt vor viertzig gulden: Item vierthalb Morgen ligen hart vor der pforten, seind den Vormundern verjahrt ohngefehrlich vor Sibentzig Ein gulden, und sonst alle und iede andere guter vorwälder und untherpfänder, so von dem geschlecht der Zäun
uff weÿl(and) Ehlisabeth Reißlingen wegen, einer Mutter gefallen, und geerbet seind, Wo sie auch uber kurtz oder lang mehr guter erfahren würden so von den Zäunen uff dieß Ehlisabeth Reißlingen, wie obgemelt ererbt weren, sollen sie dieselben auch anzeigen, und von unß und unserm Ertz
Stifft zu Mannlehen empfangen haben und tragen. Und der genant hans wilhelm von Radenhausen hat auch in ho her beÿwesen selbest, auch in nahmen als obstehet, solch obgeschriebende lehen von Unß und unserm Ertzstifft empfangen, daruber in trewen gelobt und leiblichen Eÿdt zu Gott und den heÿligen geschworen
Unß, unsern Nachkommen, und Ertzstifft Maintz getrew, hold und gehorsamb zu seÿn, unsern schaden zu warnen, frommen und bestes zu werben, solch lehen getrewlich zu bawen, mit trewen Eÿden, sappen und diensten zu empfangen, daruber zu geloben und zu schweren, deßen brieff zu geben und zu nemen
als offt das noth geschicht, inmaßen Er die ietzo von Uns empfangen, und Unß daruber gelobt und geschworen hat, und Nemblich alles das zu thun das Ein Mann seinem lehn herren von solchem Erbe und Mannlehen wegen schuldig und pflichtig zu thun ist, und also solches lehen recht und gewonheit, ohn geverde.
Wir haben auch in dieser leihung außgenommen unß, unsern Nachkommen und Ertzstifft Maintz, unsern Mann= und eines ieglichen recht, alle unrecht und geverde hierin gäntzlich außgeschloßen. Und des zu Uhrkundt haben wir unser Insigell ahn diesen brieff thun hencken, der geben
ist zu St. Martinsburg in unserer Statt Maintz, Sontag den dreÿßigsten Julij Anno Domini Millesimo, Quingentesimo Nonagesimo Primo. Und der obgenant Conrad Adolff von Radenhausen hat auch vor sich und in nahmen obgemeltes seines vettern henrich friderich
von Radenhausen solche lehen von unß empfangen, daruber in trewen gelobt und leiblichen Eÿdt zu Gott und seinen heÿligen geschworen allem dem ienigen getrewlich Nachzukommen, so obberuhrter unsers vorfahren p(er) m(atrem) lehenbrieff mit sich bringet, ohn geverde. Deßen
zu Uhrkundt haben wir unser Insigell ahn diesen brieff hangen laßen, der geben ist zu St. Martinsburg in unserer Statt Maintz den Neun und Zwantzigsten Monats tag Maÿ Anno Millesimo Sexcentesimo Octuagesimo Quarto.
Ex Mandato Eiusdem Em(inentissi)mi ac Rev(erendissi)mi D(omi)ni D(omi)ni ArchiEpiscopi Moguntini Principis Electoris &
Constantin von Buseck Cantzler
Albert Steinbach S(ecretarius)