Ich Caspar Sternpach zu Konigspregk Bekenne fur mich mein Eliche Erwettin Alle mein Erbn Erbnemen vnnd nach komen vnnd thun kunth allen vnd yden Cristenmenschn gegenwertign vnnd
zukunfftign dye dissen brieff sehn ader horn lesn das ich hab betracht vnnd zuherczn genomen dye vergenklickeyt alles werntliches dings vnnd das den menschn zu der sele heyle nid
kligkers mues mer gedynen mage dan der zeytlichn gutter sich verzeihen vnd dye zuuerwechselln vmb das ewige vnd do mit zu machn ainen schacz yne dem himel den der almechtige
got hundertfeltiklich wirt wider gebn der aber ammeysten durch messig gotlicher dinst vnd lobe mit verornung des helign pristerlichn ampt mag erlangt werdn vnd sulichs angesehn
vnd besinder mir allermeyner vorfardern vnd nach komen selen zu hilff vnd zu trost das ewig lebn zuerbn So hab ich mit wyssen vnd vergunst des hochwirdigen in got vater vnd hern hern
Rutolfen probstes oberster meister der Creuczer mit dem roten stern yn behem merhern Schlesien ec Auch des wirdign hern Rudolffen pfarrher dy zeyt pfarrer zu konigspregk prager bistumbs
auff dem altar Sant Barbare ayn Ewige messe zustiften furgenomen Stiffte vnd mache dye auch hye mit wissentlich yn crafft vnd macht disss brieffs yn hernach geschribn massen vnd yn
der bestenn form so das ithunt oder hinfur crafft vnnd macht haben solle vnnd mage durch aymleynpriester zuuerbesen vnd zubesi(c)zn mit namen her Erhart frank den ich hie lewtecliche
vmb gotes willn ewigclichn seyn lebtag verlihen habe vnd leyhe ym auch In krafft vnd macht diss brieff Infulcher beschaidenhayt so es zufellenden kumpt es sey durch tods felle ader
sust das dye selbige messe mein lebtag durch mich noch meinen tode meine erbn der eltsten von mansgeslechten ayne fromen tuglichn mane gelihen werde der briester sey ader In iars
frist briester werdn mag an verzyhen vnd den selbn solut mein erbn erbnemen vnd nachkomen aliweg eynen pristhafft zu prage ader seinem admnistrator vnd anwalt mit meyner presentacion
brieff den eyn seczn vnd zu Inuestirn furserdrn vnd zuschaffen wer aber sache das ich ainn menlich erbn abging do got fursey Als dan so soll eyn pfarrer zu konigspregk Auch herlich von globen
nach seyn abgen alber der eldist des selbign geschlechts auch eyn Burgemeyster mit sampt eyn radt zu konigspregk dy vermelten pfegabe wir obn vnderschaiden verleihn der vorzusten alls ich
In das gancz vnd mechtiglich vertraw vnd gelaube denn lon von got den almechtign entpfahen das alles zu thun williclich vnd anverdrucklich auff sich genomen Auch der ich main hant
gelubten trewh ayn ayds stat versprochn trewlichn vorzusten das eyn In keyner meyner erbn vnd vettern man streitn soll noch nimat anders weder mit recht geistlich ader weintlich heymlich
ader offenlich noch an recht gancz In keyner weysse wie dye durch menschn syn zuerdenckn stunde der selbig newgestifft vmbes briester all seyn nachkomen solle auch alle Sontag heylige
feiertag vnd vest bey denn gotlichn ampten vnd gemeinen processen In seiner habit vnd korrockt mit sampt den pfarrer auch andern briestern der besymten pfarr gegenwertig seyn er werde
dan ehafftiglich erhindert er soll auch dem pfarrer In zeugn vnd was Im auff dem genantten altar geopfert wirt das alles dem gemelten pfarrer durch sich selbs ader durch ainen andern ain
abgangk getrewlichn anttworttn Vnd zu der norgenantn ewige messe hab ich gestifft dem briester her Erhart oben vermelt der dye itzunt Inne hadt vnd besiczt vnnd hinfur zukunfftiglichn nach
seinem todt besiczn mochte verschribn vnd vermacht verschreibe vnd vermache Im auch In krafft disss briffs dy funff hoff zu Tressaw mit namen auff aymen hoff siczt Nickel Schymr zynst
zwea marczael In mess vnd gotgab anderhalb schock grossen auff dem andern siczt hans Erhart zynset auch anderhalb schock grossen auff dem drittn hoff siczt Nickel zartner zynset
drey schock grossen mynder funffzehn grossen Auff dem vierten hoff siczt Lynhart Nothart zynset eyn schock grossen Auff dem hoff siczt peter weber zynset funffzehn grossen auch meer
zwen hoff zu kirchenpregt Auff aym siczt hanns Schymmer zynset zwey schock grossen vnd zehen grossen Auff dem andern hoff siczt Michel rochleder zynset zweyschock grossen vnd
zehen grossen alles stet vnnd langk chorgen weert Sulche zyns alle Iar Ierlichn vnd ewiglichn halb auff Sandt walpurgis tag halb auff Sandt michels tag vngeuerlichn an alle abgang
sullen geraicht vnd alle verhinderus auf gericht werden dy dan bey der ewigin messe ewiglichn bleibn solln mit sampt der manschafft vnd lehn So dan sulche zynsse zu yederzeit
auf gericht vnd bezalt werden Als dan dy aczirlente von Tressaw vnd zu kirchen sein hern nichts mer verpflicht seyn sullen weder mit ackein ader adern fronen ny dy namen haben dan
was sy wiglichn thun wolln Mer vier harr zyns korn zudobrosen auff den hoff do ytzunt auff siczt der lynhorell dem obgedachtn her Erhart seynen nachkomlichn alle Iar ewiglichn auff Sandt
Michels tag raichn vnd gebn soll meer vier tagweigh wisseinacz zwey Im pusslswaldt zlbey In dem obernteich gelegn vnd das stuckel am steige gelegn vnterm teich Meer sechs morgn
felds vier gelegn In dem sompolt dy andern zwen der gegen ober Meer eyn hauß auff dem kirchhoff gepawet mit sampt dem stadel vnd gartten negst do bey gelegn Auch eyn holcz ym
Rudelikhoff verbleibt zu der genantten messe eyn iglicher briester ewiglich zu seyner nottorfft zu preennen auch zu pawen geprawehn soll Von den allen vnd iglichn zynsen
soll der obgedacht her Erhart alle sein nachkomen eyn schulmeister do selbs aym schock grossen von den zwayen gesungen messen vnd fur wein vnd oblaten Ierlichn an verzyhn
auff eristen halb walpurgis halb zu Sandt michelstag Den altar dy kirchenvetel beleuchten dar vmb In her Erhart all sein nachkom Ierlich zwayzigk grossen raichn vnd geben
soll Auch soll ader eyn ander briester dem dy gemelt gotgab vnd messe also gelihen wirdet dy selbs psonlich besiczn vnd alle wochn an welichn tag yn got vermanet funff mess zu ge
purlicher zeyt auff den gemeltn altar durch sich selbs ader durch aymen andern lesen ader halden lassen Nemlich alle wochen zwo mess singen ayne am donerstag von dem
fronen waichleibnia vnsers hern Ihesu xpi dy andern am montag ayn sell ampt fleissiclich zu pitn fur meyner vater muter bruder vnd schwester sell vnd alle dy auf meyne geslechecht
vorfchiden syndt Auch alle montag zu yeder Cottemez nach dem offertory an dem altar ayn exhortacion zuthun vleyssiglich wirden volck zu piten fur meynes vatters muter vnd
bruder vnd schwester selen mit yren cristlichn name benomet auch fur alle In der meyn dy auf meyne geslechecht vorfchiden syndt vnd fur alle gelaubige sell dy andern drey mess
Am sontag vnd andern tagen so er an besten geschickt ist zu halden hye vmb so bit ich den hochwirdigen In got vater vnd hern hern hannssn von Colebrat an stadt erczbischoffs
zu prage als meyne gnedigen hern das seyn gnad geruche sulche stiffung auff zunemen dye auch alls sy gepurt genediglich zu bestetign vnd zu Confirmirn das wil ich zu dem
lone den er von got dorvmb entphahet williclich vnd gern verdynen vnd das alle obengeschribn stucken von mir allen meyne erbn vnd nachkome In ewiger zeyt gancz stet vnd
vnuerbrochn gehalden vnd bleyben des zu vrkunth vnd ewiger bestestig So gib ich diesen brieff wyssentlich mit meym aygen Insigel vesigelt da zu gebeten dye erbern vnd
vesten wyllhelm von paglas lupolt hraderka das sye vmb meyner vleissigen bethe willn Ir aygen Insigell vntten an den brieff zu den meynen haben gehangen doch In iren erbn
an schaden vnd an entgelt der gebn ist am palmtag nach Cristi gepurt Tawsenthreihundert vnd In dem newnundsibenczigsten Iare