Ich Boczko von Oberplacz. Vergich vnd Tuen chunt. In disem offen prief. Allen leuten. Ditz sint. Vnd hernach chvmftig
werden. Daz ich vnter scheidenleich. chie meinem gueten willen. vnd mit vordachtem muet. Vnd auch mit meyner vreunt rat.
Mein recht erb. Daz dorf. zem Zizanhs. Sechs lehen vnd zwo hofstet. In alle argen list. Eurchauft han. chie Alledam rechtan.
Als ichs han gehabt. Jnne dorfes vnd Ausserhalb des dorfes. Dem beschaiden man. Myrosloben. von Zoticzch. vnd seinen gerben.
ewicleich ze ainem erbe. Vmme funfzig. Marg. phehemischer grosser phenning. Der chvnt guettes. ye nevnvndsechzig vor ainslauch
gelts gezalt. Der er. vns erlaichen hat vorricht. dzu mier so hat gelobet. mit gesamter hant. Der erwer man. Ctibor hnoys.
van Nemeziz. Myrosloben. vnd seynen gerben. Ob in ymand hindn wolt andem. e. gnantem dorf zem zizanhs. Anden Sechs lehen.
Vnd Anden zwoin hofsteten. vnd er daz beweisen mag. vnd vns mit dem gegenwirtigen prief manet. So glob wier im phad mit
vnsn treun. ich Boczko von oberplacz. vnd ich ctibor von nemeziz. Dem e gnantem Myrosloben vnd seinen gerben. Daz e gnant
guet inervierzehen tagen ledigen vnd Ausrichten. In Allen seinen schaden. Als im landes recht ist. gesach Aber daz nicht
So schol ich Boczko von oberplacz. Ader ctibor von nemeziz vnser ainer. mit ainem chnecht. vnd mit zwoin pherten. gan
ruchuoln. in ainght reiten in ain erwer gasthaus. wo mir wirt in gezaiget. Da schol ich inligen. Als inligens recht
ist. vnd nicht Auschomen. vnz dem offe gnantem. Myrosloben. vnd seinen gerben. Daz e gnant guet. Daz dorf zem zizanhs
Sechs lehen vnd zwo hofstet. wden geledicht vnd Aus gericht. Als im landes recht ist. Wen wir vierzehen tag haben
in gelegen. vnd daz offe gnant guet nicht haben Ausgericht. Als wir zerecht scholden. So geb wir vber vns Di e gnantem
Boczko vnd Ctibor. vuorlaub. phad mit vnserem gueten willen. Dem offe gnantem Myrosloben. vnd seinen gerben. In Alle wider
red. Dassi zes guetes. Funfzig marg gross phehemischer phening. Der nevnvndsechzig ain marg gelten. schulen bechume
Auf vnsn schaden ze wden Ader ze cristen Ader wost im nuczen mugen. Daz erlaube wir in mit vnsn gueten willen. In Alle
Arge list. vnd gennohc mer. ob der offe gnant Myroslob. ad sein gerben. Des e gnantem guetz der funfzig marg dehain
schaden namen. Dassi mit ainer warhait beweisen mugen. Daz glob wir in mit vnsn treun ze gelten. vnd nicht Aufchvmen
ze zcuchwan Ausser heruerg. vnz si wden vorricht vnd gewert. phade haupguetes vnd schadens. In alle wider red. Vber Di
sach Allen Diu hie Auf dem prief geschriben stet. geb wir den offen prief. Dem offe gnantem Myrosloben. vnd seinen gerben. ze
ainem stetigen vrchvnde. mit vnser phader insigel vorfigelet. Vnd haben gepeten fleissicleich. Di erwn mann. Hn Smilen van
Lachein. vnd hn Angramen. von tobroniz. hn chloten von lutwan. Dassi yer insigel ze dem gegenwirtigen prief haben gelat ze
ainer zeugnes. vnd ze ain geachtnes diser sache. Diu Auf dem pf. geschriben stet. Der prief ist gegeben nach cristes buerd
vber dreuzehenhundert iar in dem Achtvnddreissigsten iar. Amme herbest Asant Lucas tag des ewangelisten :~:~:~:~:~8::