In nomine domini Amen Anno eiusdem Millesimo Trecentesimo Tricesimo octauo In Octaua assumpcionis beate
Marie virginis quod fuit .xj. kalendas Septembris In curia Episcopali pragensi Coram honorabilibus viris
dominis Dyonisio preposito predicatore ecclesie pragensis et Henrico dicto gelman Canonico administratoribus
Episcopatus pragensis In presencia mei Notarij et testium subscriptorum Religiosus vir frater purkardus
prepositus Monasterij de Mylewsk exhibuit quandam litteram domini nostri serenissimi domini Iohannis Bohemie
et polonie Regis sub sigillo suo maiori rotundo pendenti super filo serico In cuius sigilli figura
sedebat Rex super equo armatus tenens gladium in manu dextra sursum erectum et clypeum in si
nistra cuius sigilli littere circumscriptionales erant Iohannes dei gratia Rex Boemie ac Lucemburgensis Comes
et idem dictus frater purkardus prepositus de Mylewsk protestatus fuit quod nomine domini abbatis et tocius
Conuentus Monasterij de Mylewsk memorati per eandem litteram Regiam presentauit ecclesie parochiali plebanum ydoneum
scilicet dominum ad ecclesiam plebanalem in Bechmen et tunc quendam clericum nomine Henricum plebanum ecclesie ibidem
presentabat ad eandem nec Iuri suo preiudicare videretur quem eciam dicti administratores confirmare
propter quedam impedimenta que obstare videbantur tunc temporis distulerunt Cuius littere regie te
nor de verbo ad verbum talis erat Nos Iohannes dei gratia Boemie et polonie Rex ac Lucemburgensis
Comes Ad vniuersorum noticiam tam presencium quam futurorum volumus tenore presencium peruenire quod dum ad li
beram relacionem nostram et pensatam cunctorum sacre Religionis sanctitatis professores in publicis deum
continuo obsequijs fauoris sacre gratie prosequendos quo cottidiana deuocionis eorum merita aput summum
exigunt et postulant sedulo creatorem ac ipsius ineffabilis pietatis patrie deuotis numquid absenti
petitoribus pia attente porcione suscipiat et eius inmensa et decipula laudis nouitate humiliter inspiciunt
reputantes ac deuotis supplicacionibus maiestatis suscipientes eorum proinde retribucione filij priorum
beati Augustini doctoris sacre tamquam doctrine speculi ac honestatis exempli regule professoribus
ob ipsius qui presidet aput eum Regem Regum operam sue patronis Reuerencia et honore inclina
mur peculiari quadam deuocionis affectu in munificencie dextram extende liberalem vt ipsorum in
dudum pijs meritis et diuinis obsequijs et oracionibus recipiamus animam Quapropter nos nostris
gratiose abbati et conuentui Monasterij Mylewsk ac eorum successoribus inperpetuum Ius patronatus Eccle
parrochiali in Ciuitate nostra Bechmen quod nobis competere in eadem vt obitum dictorum abbatis
tocius conuentus et patrum quibuslibet diuinum quas per ipsos misericordie operari dignabitur siue clemen
tia saluatoris Nos conthorali liberi ac progenitorum nostrorum diuine memorie plene ipsorum in
viuis quam in mortuis participes existamus Cum omni eo Iure quo ad nos spectabat vel spectare
ne poterat damus et benignitate Regia liberaliter conferimus et donamus ac in ipsos hiis scrip
tis transfundimus et transferimus gratiose volentes quod ipsi abbas et conuentus Monasterij plebani ac
eorum successores inperpetuum Ipsum Ius patronatus prefate parrochiali siue pleno Iure semp
teneant ac possideant pacifice et quiete In cuius rei testimonium presentes litteras fieri et
sigillo nostro maiori iussimus communiri Datum prage Anno domini Millesimo Trecentesimo
Tricesimo septimo .xiiij. kalendas februarij Acta sunt hec Anno die et loco supradictis
presentibus honorabilibus viris ac discretis dominis thobia scolastico wyssegradensi anssone ar
chidiacono Behmensi Moycone plebano de Modrzan Henrico Wenceslao familiaribus domini prepo
siti et alijs pluribus fidedignis testibus ad premissa vocatis et rogatis