Catalogue de recherche

Explorer les chartes

Commencez par une recherche simple. Affinez-la seulement lorsque la question scientifique l’exige.

R3_PERIOD_CONTEXT

sign_I|105

CZ-UKP > AUKP > sign_I|105

Source : MonasteriumPaléographie IAInterprétation IA
Page 1 / 5
sign_I|105, page 1
Vue
Transcriptiongemini-3.1-pro-preview
Clemens episcopus servus servorum Dei, ad perpetuam rei memoriam. In suprema dignitatis apostolice
specula, quamquam insufficientibus meritis divine dispensacionis munere constituti, ad universas fidelium regiones eorumque profectus et commoda
tamquam universalis dominici gregis pastor commisse nobis speculacionis aciem, quantum nobis ex alto permittitur, extendentes, fidelibus ipsis ad queren
da literarum studia, per que divini nominis sueque katholice fidei cultus protenditur, iusticia colitur tam publica quam privata, res geritur utiliter omnisque
prosperitas humane condicionis augetur, graciosos libenter favores impendimus et oportune commoditatis auxilia impartimur. Nuper siquidem pro parte carissimi in
Christo filii nostri Karoli regis Romanorum illustris nobis exposito, quod in hereditario regno suo Boemie multisque aliis eidem regno finitimis regionibus atque
terris generale studium, quod in illis partibus summe foret expediens, non habetur, quodque metropolitica Pragensis civitas, in ipsius regni medio locoque saluberri
mo sita et a diversarum parcium gentibus frequentata ac in victualibus aliisque vite necessariis copiosa, ad huiusmodi generale regendum, cum particulare dudum in ea
fuerit studium, accommoda multum existeret, non considerantes eximiam devocionis et fidei puritatem, quam tam ipse Karolus et predecessores sui, Boemie Reges
quam eiusdem regni incole ad sanctam Romanam ecclesiam gessisse ac ipsi Karolus rex et incole gerere dinoscuntur, ferventi desiderio ducimur, ut regnum ipsum,
quod divina bonitas multitudine populi rerumque copia predotavit, fiat literarum fertilitate fecundum ac in eo, quemadmodum auri et argenti fore dinoscitur, sic sciencia
rum prevalencium sit munera, ut viros producat consilii maturitate conspicuos, virtutum redimitos, ornatibus ac diversarum facultatum dogmatibus eruditos, sitque ibi fons
irriguus, de cuius plenitudine hauriant universi literalibus cupientes imbui documentis. Hiis igitur omnibus et praesertim amenitatibus civitatis prefate diligenti ex
aminacione pensatis, ad huiusmodi universale non solum premissorum eiusdem regni et regionum circumadiacencium incolarum, sed eciam aliorum, qui de diversis mundi
partibus ad eandem confluent civitatem, commodum et profectum paternis affectibus anhelantes, dicti regis supplicacionibus inclinati, de fratrum nostrorum consilio
apostolica auctoritate statuimus, ut in dicta civitate Pragensi perpetuis futuris temporibus generale studium vigeat in qualibet licita facultate, et quod legentes
et studentes ibidem omnibus privilegiis, libertatibus ac immunitatibus concessis doctoribus, legentibus et studentibus, commorantibus in studio generali, gaude
ant et utantur, quodque illi, qui processu temporis sciencie margaritam fuerint in illa facultate, in qua studuerint, assecuti sibique docendi licenciam, ut alios
erudire valeant, ac magisterii honorem seu titulum pecierint impartiri, per magistrum illius facultatis, in qua examinacio fuerit facienda, archiepiscopo Pragensi,
qui est pro tempore, presententur, idem quoque archiepiscopus doctoribus et magistris in eadem facultate inibi actu regentibus convocatis, illos in hiis, que in promoven
dis ad doctoratus seu magisterii honorem requiruntur, per se vel alium iuxta modum et consuetudinem, que super talibus in generalibus studiis observantur, exami
nare studeat diligenter eisque, si ad hoc sufficientes et ydonei reperti fuerint, huiusmodi licenciam tribuat ac honorem seu tytulum conferat magistralem. Illi vero, qui
in eodem studio dicte civitatis examinati et approbati fuerint ac docendi licenciam et honorem seu tytulum magisterii obtinuerint, ut est dictum, extunc absque exa
mine ac approbacione alia regendi et docendi tam in civitate predicta quam alibi ubicumque, quibuscumque tam dicte civitatis quam quorumlibet aliorum locorum seu
generalium studiorum, in quibus voluerint regere vel docere, statutis vel consuetudinibus contrariis, apostolica vel alia quacumque firmitate vallatis, nequaquam
obstantibus, plenam et liberam habeant facultatem. Nulli ergo omnino hominum liceat hanc paginam nostre constitucionis infringere vel ei ausu temerario contraire.
Si quis autem hoc attemptare presumpserit, indignacionem omnipotentis Dei et beatorum Petri et Pauli apostolorum eius, se noverit incursurum. Datum
Avinione septimo Kalendas Februarii Pontificatus nostri anno quinto.

Balisage scientifique de la transcription

(text)
Abréviation développée ; les lettres entre parenthèses sont restituées.
~text~
Incertitude mineure.
|text|
Incertitude importante.
¦text¦
Lecture fragile.
<text>
Reconstruction contextuelle non visible avec certitude.
# / #3w
Écriture visible mais illisible.
^3w^ / ^2l^
Passage physiquement manquant ou endommagé.