Wir Wenczlaw von gots gnaden Romischir kunig zu allen zeiten merer des Riches vnd kunig zu Beheim
Enbietten dem Edlen poten von Schastolstein vnsirm houptmanne vnd den Tressessen des haczgins
zu Luczemburg vnsirn lieben getruwen vnsir gnade vnd alles gut Lieben getruwen Wir haben den Edeln
hamman von Bietschen vnsirn lieben getruwen vor euch vnd das Rittirrecht zu komer bescheiden gen
Luczemburg vff den nehesten Rittirtag der nehst kumpfften kumpst recht zu tunde von wegen
des dorffes Chemels dem Ersamen lantkumpter des dutschen Ordens zu lothringen adir den syner
die er darzu schickend wirt nach laute solicher brieue die derselbe orden obir Chemels das dorff
herbracht hat Vnd darumb enphelhen vnd gebietten wir euch vnd allen vnsirn amptluten amptlichn
bey vnsirn hulden das ir zu stund den vorgen(anten) Orden vnd lantkumpter von vnsirn wegen widir in das
dorff Chemels seczent Wer es denne sache das der egen(ante) hamman von Bietschen den vorgen(anten) orden
vnd lantkumpter nach vswisunge solicher brieue die sie obir das egen(ante) dorff Chemels redelichn
herbracht hant vssinge adir nicht engheme vff den vorgen(anten) Rittirtag So enphelhen vnd gebietten
wir euch anderwerde amptlichn bey vnsirn hulden das ir den egen(anten) hamman von Bietschen mit
pfandung vff solichen gutern die er in vnsirn lande legende hat So lange vnd so ferre darzu
halden sullent Bis das er den egen(anten) orden vnd lantkumpter in dem vorgen(anten) dorfe zu Chemels
nach laute der brieue die der orden darubir hat bracht schaden vnd hindernisse genczlichn abege
tan vnd widirkert habe Vnd lasset des nicht in dheinenweis Geben zu Coblencze am nehesten
Sontage vor lucie vnsirs Riches des Beheimschen in dem Eilfften des Romischn
in dem Nebnden Jaren

p(er) d(ominum) ducem Teschinensem
Martinus decanus