Catalogue de recherche

Explorer les chartes

Commencez par une recherche simple. Affinez-la seulement lorsque la question scientifique l’exige.

R1_DIRECT

IlluminierteUrkunden|1331-01-99_Paris

Source : MonasteriumPaléographie IAInterprétation IA
Page 1 / 1
IlluminierteUrkunden|1331-01-99_Paris, page 1
Vue
Transcriptiongemini-3.1-pro-preview
Jehan par la grace de dieu Roys de Boeme et de poloyne et Conte de lucembourc Faisons sauoir a touz presens et auenir . Que comme il ait pleu a Tres haut et tresnoble et tres puissant prince
nostreseigneur . Phelippe . par la grace de dieu Roy de france . nre chier seigneur de sa grace et de sa grant liberalite consentir et octroier a Nous que mons(eigneur) . Jehan de france son filz soit adoustez par mariage se il
plaist a dieu a lune de noz filles . la quelle nre dit Seigneur eslira de la quelle chose Nous sommes et deuons estre moult tenuz a luy . Nous considerans la grant amour affeccion et honneur que il nous
a eu et monstre et fait . Nous ou traitie du dit mariage sommes liez et obligiez lions et obligeons bien iustez et a grant deliberacion de conseil pour nous et pour . Charles de Boeme nre chier filz et pour les
hoirs et successeurs de nous et de nre dit filz a nre dit Seigneur le Roy de france et a tres haute Tresnoble et trespuissant dame . madame . Jehanne de Bourgoigne Royne de france et au dit mons(eigneur) . Jehan
de france leur filz pour tant comme a eulz et a chascun deulz puet et pourra appartenir . et leur auons fait les obligacions promesses et conuenances ci apres escriptes . en la maniere qui sensuit .
Cest assauoir que nous pour nous et pour le dit charles nre filz et pour touz les hoirs et les successeurs de Nous et de luy . Nous lions et obligeons expressement et nre dit filz et noz diz hoirs et suc
cesseurs et les siens au dit Roy de france a la dce Royne a leur dit filz et a leurs hoirs et a chascun deulz de leur aidier contre touz ceuz qui peuent viure et mourir de quelque estat ou condicion que il soi
ent Excepte le Roy dalemaigne ou lempereur contre les quiex Nous nre dit filz ne noz hoirs et successeurs ne sont et ne soient tenuz aidier le dit roy de france ne son dit filz ne leurs hoirs se il vouloient
courre sus es heritages ou tenances apptenans au Royaume dalemaigne ou a lempire . et se le dit Roy de france ou son filz ou leurs hoirs auoient a faire a aucuns de lempire ou du Royaume dalemai
gne . et li Empereur ou li Roys dalemaigne li voulsissent aidier . puis que il ne fust pas pour le propre heritage ou demaine du dit Roy de alemaigne ou de lempereur . Nous nre dit filz et noz hoirs et
successeurs et les siens sont et sont tenuz aidier au Roy de france a son dit filz et a leurs hoirs en la maniere que par dessus est dit . Et auecques ce . Nous nre dit filz et noz diz hoirs et les siens sions
et sont tenuz a defendre le Royaume de france contre le Roy dalemaigne ou empereur et contre touz autres . Item ou cas que nous sions . Roys dalemaigne et empereur ou lun sanz lautre nous ne por
rons tant comme nous viurons riens demander ne faire question de chose que li Roys de france ou son dit filz tieingnent ou tenront ou temps de lors . Item que se li Roys de france ou son dit filz ou
leurs hoirs auoient a faire es frontieres ou costieres des bailliages et Ressors de champaigne de vermendois ou damiens fust a Gens dedens du Royaume ou autres Nous nre dit filz et noz hoirs
et les hoirs de nre dit filz sons et seront tenuz a les seruir au nostre de Quatre cens homes darmes destat toute foiz et quantes foiz il en Requerroit nous nre dit filz et noz hoirs et les hoirs de nre
dit filz et les y tendrons et tendront tant et si longuement come li Roys de france ou son filz ou home de leur lignage soit en ost et quant li Roys ou son filz ou home de leur lignage se retrairoit
Nous nre dit filz et noz hoirs nous en porrions et pourroient partir et ou cas q(ue) le roy y enuoieroit le connestable ou les mareschaus de france ou lun deulz pour tenir ost ou pour faire aucun sie
ge Nous nre dit filz et noz hoirs et les siens y sons et sont tenuz a y enuoier quatre cens homes darmes destat et y demourront par quatre mois lan se les diz connestable ou mareschaus ou lun
deulz y demouroient tant et pour ce quil a moult dautres costieres ou Royaume de france plus loings de nous es quelles le dit seruice nous sroit plus greueus et plus coustengeus se li Roys ou son
dit filz ou leurs hoirs y auoient guerre ou afaire Nous nre dit filz et noz hoirs et les siens serons et sont tenuz de les y seruir au nre a Trois cens homes darmes destat en la forme et maniere que
dess(us) est dit des quatre cens . et se le Roy de france ou son dit filz ou leurs hoirs vouloient plus auoir de Gent darmes Nous nre dit filz et noz hoirs et les siens leur amenrions et amenroient en tel
nombre comme il estraindroient ou seroient assauoir a nous nre filz et a noz hoirs et aus siens aus soulz et aus gages acoustumez ou Royaume de france . Et tiex mesmes seruices serons nous et
seront nre dit filz et noz hoirs et les siens a la dite Royne se elle en auoit mestier que Ja nauiegne . Item se nous uenions alestat dempereur ou du Roy dalemaigne neant moins nous sions tenuz
a faire par nous ou par nre filz le seruice dessus dit . Et ou cas que nous ou nre dit filz aurions ou auroit telle essoine si loial et si cler que nous et nre dit filz en noz p(er)sonnes ne peussions faire
le dit seruice nous et nre dit filz le serions par home de nre lignage suffisant et conuenable . Item ou traitie du dit mariage auons donne et promis donner a nre dite fille en dot vulgaument appelle
ariage et au dit mons(eigneur) . Jehan de france en nom et pour cause du mariage de nre d(i)te fille a nre a rendre Six vins mille florins de florence a paier a Sis ans a comancier le premier terme
de pasques prochanes en vn an Cest assauoir a chascun terme vint mile florins et sont mis et conuertiz en hitaige pour nre dite fille et pour les hoirs qui ystront de li Et ou cas que elle mor
roit sanz hoir de son corps les diz florins cest assauoir ce qui en sroit paie ou la terre soit en sroit achatee retourneroient a nous ou a noz hoirs . Et se il auenoit que Ja nauieigne que lun des deuz
cest assauoir le dit mons(eigneur) . Jehan ou nre dite fille moust auant ce que il eussent hoir de leurs corps si demourroient les obligacions conuenances et seruices dessus diz au Roy a la Royne et au dit mons(eigneur)
Jehan de france leur filz se il suruiuoit la dite fille et se il ne li suruiuoit si demourroient elles au Roy et a la Royne . Item a faire tenir et acomplir toutes les choses dessus dces et chascune di
celles nous des maintenant Nous obligons et souzmetons a la Juridicion et cohercion de nre saint pere le pape et de lauditeur de sa chambre Et obligons et promettons oblig(ier) effectuelment nous
nre dit filz et noz hoirs et les siens et touz noz bns meubles et hitaiges et les siens ou que il soient et par nre serment souzmettons nous nre dit filz et noz hoirs et les siens aus sentences de nre
Saint pere le pape ou de lauditeur de sa chambre Cest assauoir de escomeniement es p(er)sonnes et de entredit en noz terres les quelles Sentences desoremesme nous nre dit filz et noz hoirs et les siens
identiedu nre terre encourrions et encourroient par le fait mesmes en uenant contre les chos(es) dessus dces et chascune dicelles ou en non les acomplissant toutes foiz et quantes foiz nous ou il uenri
ons encontre et ne les acomplirons sanz faire autres monicions ne proces se il ne plaisoit a nre dit Seigneur le Roy . la Royne et mons(eigneur) . Jehan de france ou a aucun deulz faire autre p(ro)ces des
quelles Sentences nous nre dit filz et noz hoirs et les siens ne puissons estre asouls ne lentredit ostei ne relachiei Jusques atant que satisfaccion soit faite de ce pour quoy lon auroit encou les dces
Sentences . Et serons aiterons et procurerons effectuelment que nre dit filz fera les obligacions et submiscions samblables et loera et approuuera et Jurera a tenir toutes les choses dessus dces et par
celles seurtees mesmes . et enuoierons et ferons aiterons et procurerons que nre dit filz enuoiera par deuers nre saint pere le pape ou deu(er)s lauditeur de sa chambre procureurs suffisans vn ou plus qui
auroient bon et plain pouair de faire effectuelment les obligacions et submiscions dessus dces et tout ce qui a ce puet et pourra appartenir a fin que les choses dessus dces aient plain effect . Les quelles chos(es)
dessus dces toutes et chascune dicelles Nous pour nous nre dit filz et noz hoirs et les siens le quant que nous obligons auec auons promis et promettons en bonne foy et p(ar) sollempnel stipulacion et sur
lobligacion de touz noz bns meubles et Immeubles presens et auenir et de nre dit filz et de noz hoirs et des siens et par nre serment donne sus Saint euangiles corporelment touchez a nre dit Seigneur
le Roy de france a nre dce dame la Royne et a mons(eigneur) Jehan de france leur filz faire acomplir garder et tenir entierement sanz enfraindre et non aler encontre par nous ne par autre en Jugement
et dehors inuisiblement ne expressement et se nous alions encontre Nous voulons que toute audience nous soit denouee Et auec les choses dess(us) dces leur rendrions touz couz missions domages
et interestz que il ou aucuns deulz ou leurs gens auroient soustenuz ou encourz par deffaut des choses dessus dces ou daucunes dicell(es) non gardees et acomplies entierement de nous de nre dit filz et de
noz hoirs et des hoirs de nre dit filz . Renonçans en ce fait de nre certaine science a tout droit escript ou non escript de coustume graces et dispensacions de pape dempereurs et de toute autre p(er)sonne
impetrees ou a empetrer et a toutes autres choses p(ar) les quell(es) les chos(es) dessus dces pourroient estre adnullees ou empeschees en tout ou en partie . et au droit disant genal Renonciacion non ualoir se
par especial ne da deuant . En tesmoing des quelles choses nous auons fait metre nre Seel en ces presentes l(ett)res . faites et donnees a fontainebleau . lan de grace mil trois cenz trente et vn ou mois
de Januier ..

Balisage scientifique de la transcription

(text)
Abréviation développée ; les lettres entre parenthèses sont restituées.
~text~
Incertitude mineure.
|text|
Incertitude importante.
¦text¦
Lecture fragile.
<text>
Reconstruction contextuelle non visible avec certitude.
# / #3w
Écriture visible mais illisible.
^3w^ / ^2l^
Passage physiquement manquant ou endommagé.