Littere quibus Ludovicus Comes Palatinatus autho
ritate ex commissione sibi a Sigismundo Romano
rum Imperatore anno 1427. 12. Martii concessa
omnia ab Imperatoribus ab a(nn)o 1214. 10 febr(uarii) usque
in a(nnum) 1415 in p(re)iud(icium) O(rdinis) T(eutonici) concessa prout ex hinc inserta
privilegia transumi et corroborari curavit anno
1428. 21. Martii

N 38 lat 4 gewölb 8
zu den Privilegien des deutschen Ordens

Wir karl von gots gnaden Römischer keyser zu allen zyten merer des Richs und kung zu Behem
Embieten allen lantfögten fögten Schultheissen Richtern und allen andern amptluten des heili
gen Römischen Richs die nu sind oder In zyten geseczet werden unsern lieben getruwen unser
gnad und alles gute lieben getruwen willeclich wir nermals als ein Römischer kung die geistlichen
meister und orden Tütschs huss in Tütschen landen etliche gnade und fryheit getan und dar
über unser brieff gegeben haben die hernach do wort zu wort geschriben stend wir karl vo(n)
gots gnaden Römischer kung zu allen zyten merer des Richs und kung zu Behem Embieten
allen lantfögten fögten Schultheissen Richtern und andern amptluten des heiligen Römischen
Richs die nu sind oder noch geseczet werden In kunfftigen zyten unsern lieben getruwen unser
gnad und alles gute wir wollen und gebieten vestigclich und ernstlich by unsern hulden uch alle
intzinander und iglichem besunder was die Tütschen heren eigenez lüte uff unsern und des
Richs gute siczen haben oder was wir und das Rich eigner lüte uff der tütschen heren gute
siczen haben das Ir die selbelich und ane alle forderu(n)g siczen lassent und sie mit dheinen sache
leidiget trenget noch besweret und sie von unsern wegen schirmet und nicht gestadet das
sie ymand leidige oder beswære in dheine wyse Geben zu Nüremberg nach Cristis gebürt
Druzehenhundert Jar dar nach In dem Sibenvndwirtzigsten Jar am samstag nach sant andres
tag In dem anden Jar unser Rich Je doch so ist uns zu wissen worden das die selben tütschen
herren under soliche unser gnad fryheit und brieff gehindert und geirret werden und wan
unser meynung ist das wir sie dar by gnedigclich behalten wollen So gebieten wir uch und uwer
iglichem besunder ernstlich by unsern und des Richs hulden was die selben tütschen herren ei
gener lüte uff unsern und des Richs gute siczen hand oder was wir und das Rich eigenez lüte
uff Irem gute siczen haben das Ir die nicht uffnemen noch sie uff dheinerley gelübde dringen
sunder sie dar by getruwelichen hanthaben schüczen und schirmen sollent wanne meren oder
wurden die lüte von uch oder uwer einem under diesiben unser brieff uff dheinerley gelübde
gedrungen solichs gelübdes sagen wir sie ledig und loss mit crafft disz brieffs und meynen
das In solichs gelübde keinen schaden bringen sole sunder sie sollen by dem meister und gebietig
ein dütschs ordens da die gesessen sind ane alle hinderniss beliben mit urkunt disz brieffs ver
sigelt mit unser keyserlicher maiestat Ingsigel Geben zu Nüremberg nach Cristis gebürt Druzehen
hundert Jar dar nach In dem achtvndsibentzigsten Jar an dem nechsten donrstag nach unser
frouwen tag assumpcion unser Rich des Römischen In dem dry und trissigsten des Behemischen
in dem zweyundtrissigsten und des keysertumbs in dem vierundzwentzigsten Jaren ad mandatu(m) d(omi)ni
Imperatoris Nicolaus Lamezaren ep(iscopu)s
Wir karl von gots gnaden Römischer keyser zu allen zyten merer des Richs und kung zu Behem
Embieten allen fürsten Geistlichen und weltlichen Grafen fryen herren Edelen dienstluten Riten
knechten stetten gemeinden und allen andern unsern und des heiligen Richs lieben getruwen unser
gnad und alles gute lieben fürsten und getruwen wie wol wir von keyserlicher macht die wir von
dem allmechtigen got haben und von angebörner güte allezyt dar zu willigclich sin geneigt das
wir allen unsern und des heiligen Richs getruwen gern beholffig sin zu iren rechten und be
scheidenheiten doch ist sunderlich allweg unser meynung gewest und ist noch hürdisstags das wir
alle geistliche lüte zu Iren Rechten schirmen und hanthaben wollen und mit namen ist unser
meynung das wir nit gestaten wollen das kein unghorsamkeit sin sölle von geistlichen luten da vo(n)
gebieten wir uch und uwer iglichem besunder by unsern und des Richs hulden ernstlich und ve
stigclich weres das dhein bruder des tütschen ordens In tütschen landen der In unser frouwen
ere gestifft ist In welichen eren oder wirden der bruder were dem geistlichen philips von Biken
bach meister desselben ordens In tütschen landen ungehorsam were oder wurde und desselben