R2_STRONG
StA_Urk_0212
AT-NOeLA > StA_Urk > StA_Urk_0212
highMonasterium
Zdroj: MonasteriumAI paleografieAI interpretace
Zobrazení
Překlad
Transkriptgemini-3.1-pro-preview
Wir Albr(echt) und Ott von gots gnaden H(er)tzogen ze Osterr(eich) und ze Steyr Veriehen und tůn chunt
offenlich mit disem brief. Daz wir uns(er)m getrewen lieben Lemprecht von Ebersdorf cham(er)er
in Osterr(eich) umb seinen dinst so er uns des v(er)gang(e)n Jares gen Behem getån håt gelten
sull(e)n und schuldig sein Sechtzig phunt phenig wienn(er) und seczen im darumb einen zehent
der gelegen ist ze Můr den seitz am Hachsengang von uns(er)m liebe(n) Enein chůnig Růdolf
selig(en) von ze lehen gehabt håt und den uns der selb seitz ze vrömden handen pracht hat
also daz er und sein Erben den selb(e)n zehent mit alle(m) nůtzen und rechte(m) so darzu gehoret
in phandes weis an abslag als lang innehab(e)n und niezzen sull(e)n untz daz wir unser
Erbe(n) oder Nachchomen von im oder von seinen erbe(n) den selb(e)n Zehent umb daz v(or)ge
schrib(e)n gůt gånz und gæntzlich ledigen und losen. Und des ze einem offenn urchund
geb(e)n wir im disen b(rie)f besigelt mit uns(er)n Insigeln. D(er) geb(e)n ist ze Wienn an sand
Niclas tag do man von christes gebůrd zalt Tausent drewhundert Jar darnach in
dem drey und dreizzigistem Jar.
offenlich mit disem brief. Daz wir uns(er)m getrewen lieben Lemprecht von Ebersdorf cham(er)er
in Osterr(eich) umb seinen dinst so er uns des v(er)gang(e)n Jares gen Behem getån håt gelten
sull(e)n und schuldig sein Sechtzig phunt phenig wienn(er) und seczen im darumb einen zehent
der gelegen ist ze Můr den seitz am Hachsengang von uns(er)m liebe(n) Enein chůnig Růdolf
selig(en) von ze lehen gehabt håt und den uns der selb seitz ze vrömden handen pracht hat
also daz er und sein Erben den selb(e)n zehent mit alle(m) nůtzen und rechte(m) so darzu gehoret
in phandes weis an abslag als lang innehab(e)n und niezzen sull(e)n untz daz wir unser
Erbe(n) oder Nachchomen von im oder von seinen erbe(n) den selb(e)n Zehent umb daz v(or)ge
schrib(e)n gůt gånz und gæntzlich ledigen und losen. Und des ze einem offenn urchund
geb(e)n wir im disen b(rie)f besigelt mit uns(er)n Insigeln. D(er) geb(e)n ist ze Wienn an sand
Niclas tag do man von christes gebůrd zalt Tausent drewhundert Jar darnach in
dem drey und dreizzigistem Jar.