Badatelský katalog

Procházet listiny

Začněte jednoduchým hledáním. Filtry zpřesněte až podle badatelské otázky.

R1_DIRECT

StaAKr-0401

AT-StAKrems > Krems > StaAKr-0401

Zdroj: MonasteriumAI paleografieAI interpretace
Strana 1 / 2
StaAKr-0401, strana 1
Zobrazení
Transkriptgemini-3.1-pro-preview
Ich Anna kasten des kollen salygen weib Burgerin zu krembs Bekenn fur mich vnd all mein Erben vnd tunkund offenlich mit dem brief
Als Ich zulob Got dem Almechtigen vnd marie der himlischen küniginn aller heylign vnd sunder in dem Eren sand helen sand Iohanns ewangelistn
vnd des heiligen zwelfpotn sand Bartlme Ainen Altar in sand Veits pharrkirchen zu krembs mit wissen vnd willn des Erewirdign vnd hochgelertn
herrn maister Nidasen von Ingelburg lerer geistlicher vnd licentiat kaiserlicher Rechten Ordinarius der hohen schül zu Wienn vnd pharrer zu
krembs von new gepaut vnd zuhail mein aller mein vordern vnd nachkomen vnd allen gelaubigen Selen zuhilf vnd zutrost vnd durch
merung willen des Gotzdinsts darauf ain lobliche Stift getan hab nach lautt des Stiftbriefs darumb außgangen Nu hab Ich mir vnd mein
Erben in demselben Stiftbrief vorbehalten die lehenschaft des benanten Altars alsofft des not beschecht darzu auch der benant maister Nidas
als ain pharrer zu krembs seinen willen gegeben hat als dann der Stiftbrief ausweist Als Ich den dann ytzt mit allem dem so Ich darzu gegeben
vnd gewidmet dem Erbern briester hern hannsen Statler verlichen hab Vnd wann aber Thoman loßnaphel mein Sun mit tod ist abgangen
vnd nu nicht leiberben das Sun sein enhab dadurch zu sorgen ist es mocht furbas nach meinem tod etwas Irrung von der lehenschaft wegen
entsteen deß das solher Gotzdinst gemynnert vnd die Stift in abnemen pracht mocht werden Vnd darumb so hab Ich wolbedechtlich vnd mit guten
willen zu der zeit do Ich das an Irrung aller meiner Erben vnd frewnt rechtlich wolgetun mocht dieselb lehenschaft des benanten Altars von mir
vnd mein Erben aufgehebt vnd mit mund vnd hant lediklich vbergegeben wissentlich in kraft des briefs Den besamen vnd weisen dem Rat
der Stat zu krembs meinen gunstigen lieben herren Also das nu furbas derselb Rat zu krembs wer der ye zu den zeiten ist oder wirdet nach
abgang des abgenanten hern hannsen Statler denselben Altar verleichen sullen vnd mugen alsofft des not tut wirdet Ainem frumbn wolgelerten
briester der kün ander Gotz gab vnd bey der Stat gedint hab mit allen den Gütern so Ich darzu hab geordent als dann der Stiftbrief Innhalt oder
noch von mir vnd andern darzu komen mocht darinn In dann mein Erben vnd frewnt noch nyemant von Irn wegen Irrung noch Ingraiff tun Sunder
ewiklich solh lehenschaft bey dem Rat zu krembs vnd Irn Nachkomen beleiben sol das ist alles mein vnwiderrüffenlicher guter will Ich sey lebentig
oder tod des zu vrkund gib Ich fur mich vnd mein Erben In den brief besigelten mit des Wolgeborn vnd Edeln herrn hern fridreichen Grafen zu
hohenloe vnd zu zigenhain vnd pharrer zu krembs Anhangundem Erb Insigel den Ich mit vleiß darumb gepeten hab Im vnd sein nachkomen
an schaden die sachen hat auch betzeugt durch mein vleissign pet willen der Erewirdig geistlich herr Bruder Conrat Miren Prior des klosters
zu krembs mit seinem Anhangundem Ambt Insigel auch Im vnd sein Nachkomen an schaden vnder die benant Insigel setz mich fur mich vnd all
mein Erben mit mein trewn verpindt alles das stetzuhaibn suorgeschriben stet Geben zu krembs an freytag vor dem Suntag so man singt
Iudica in der vasten Nach Cristi gepürdt virtzehenhundert Iar darnach in dem Vier vnd Sechtzigistem Iare

Vědecké značení transkriptu

(text)
Rozvedená zkratka; písmena v závorkách jsou doplněna.
~text~
Mírná nejistota.
|text|
Vážná nejistota.
¦text¦
Velmi nejisté čtení.
<text>
Kontextová rekonstrukce, která není bezpečně viditelná.
# / #3w
Viditelný, ale nečitelný text.
^3w^ / ^2l^
Fyzicky chybějící nebo poškozený úsek.