Ich Chunrat von Wartenuelt tůn chunt mit disem priefe allen den die in an sehent oder horent lesen
daz ich dem erberm manne hern Diethern von Velben und seinen erben ze choufen gebn han mein haus
daz ich dacz Salczburch han gehabt pei dem abt hof daz da selbs sand Michahels chirchen naht ist gelegen ver
sucht und unversucht mit hofstat mit all und hat auch mich der selb egenant her Diether des selben
gůts ganczleich gewert da er daz selb vor benant haus von mir hat umb gechouft und sol auch ich des selben
hauses mit samt der hofstat des egenanten hern Diethers und seiner erben gewer sein vor aller an
sprach als purchrehts reht ist swa in des not geschiht tůt ich des niht swaz iemen schaden des her Diet
her nimt oder sein erben den er oder seiner erben ainer pei seinen trewen chan gesagen den selben scha
den lob ich in ganczleich ab ze legen an alle wider red und sol daz der selb egenant her Diether und sein er
ben habn auf mir und auf meinen trewen und auf aller der guet ich han und gib ich im und seinen erben
daz ze urchunde und ze gezeug disen prief mit meinem Insigel gesigelten Der prief ist gebn dacz Salcz
burch nah Christi geburt uber drevzehn hundert Iar darnach in dem ainen und zwainczigistem Iar an
dem palmtag