Ich Elspet hern weichart(es) wirtb von Rabenstain ver gich vnd tuen chunt allen den die
disen brief sehent lesent oder horent lesen die nv sind vnd her nach chomftig wer
dent daz ich mit wol verdachtem muet vnd mit aller meiner Erben gueten willen zue
den zeiten do ich ez wol getuen mocht ver chouft han dem erbern herren Eppt
Marcharten vnd seinem Gothaus daz Choetweich daz Gvt daz ich vnd mein wirt
dem Got genad ovf dem Gvnich hoef in Tretigst e molen gehabt haben vmb
Fvnfzik phvnt pfening wiener Mvniz der ich Reicht vnd Redleich bin ge
wert also mit ovz genvmmer Red daz ich des vor genanten hoefs noch vogt
bin vnd daz man mir vuer waz alle Jar an sand cholmans tach swer pfleger
in dem hoef ist zwen gevillet phvoch geben schol ze vogt Recht von dem hof
vnd ovch niht mer vnd daz disew Red vuer waz vnzerbrochen beleib dar vber
gib ich vor genantew Elspet von Rabenstain disen brief ver sigelt vnd bestetigt
mit minem Infigel da sind gezevg di erbern herren hern chvntram der
Truchsaez von Lengpach hern ott von zell hern haymreich von pol
haym mit iren Infigeln dar nach sind ovch gezevg diser sache hern dye
trich von pilichdorf ze den zeiten Marchalich in osterrich hern weichart
von Topel ze den zeiten Lants Richter in osterrich hern chvrat von Tvn
stain hern Gvndacher von Rerchperg hern wernhart von Hozdorf hern
pernholt der chling hern Tyeutmar der Rot vnd ander piderb levt
genueg den die sach wol chvnt vnd gewizzen ist diser brief ist ge
geben da sand poelten in der stat do von christes geburt er gangen
waren drewzehen hvndert Jar dar nach in dem drew vnd zwainzigisten
Jar des svntags in der ofnber vasten