Ich Ruedolf der fischer datz chrems vergich an disem prief allen den di in sehent
oder horent lesen di nu sind vnd her nach chunftich werdent daz ich mit verdachtem
muet vnd mit guetem willen meiner hausfrawen perchten vnd meins sunes syglos
vnd aller vnser erben zder zeit do ich iz wol getuen mocht han verchauft vnd
gegeben dem erben herren abt Otten vnd seinem gotshaus datz chotweich auf
anderhalben iauch di gelegen sint in dem werd vnd mein rechts purkrecht ist von
dem vorgenanten gotshaus zwai pfunt pfenning gelts di ich oder mein erben alle
iar schullen dienen ains an sand cholmans tag vnd ains an sand Jorgen tag vnd swenn
ich oder mein erben di selben pfenning nicht dienen vnd raichen zden vorgenanten
tagen oder dar nach in acht tagen so han ich oder mein erben an den selben purkrecht
zerstochen tag vnd wirt nicht wern so vlorn allez vnser recht halbez als daz iz
vervallen ist ledichleich swer herr vnd abt ist zechotweich chauf auer ich oder mein erben zwai
ander pfunt gelts di dem egnanten gotshaus zechotweich als nutz sind vnd swer herr
vnd abt do ist als gern nem wil als die so ist mein vorgenantz purkrecht ledich von
der gult vnd dar vmb hat mir gegeben der eber vorgenanter herr abt Ott dreuze
hen pfunt pfenning wiener munzz der ich genzleich gewert pin vnd daz di sach
furbaz stet vnd vnzerprochen beleib dar vmb gib ich Ruedolf der vorgenant dem erbern
herren abt Otten vnd seinem gotshaus zechotweich disen prief versigelt mit hern albrechts
insigel des schenchen von werthenow vnd mit hern Leupolt insigel zder zeiten richter datz
chrems vnd mit wernhers insigel des luestorfer von prunn wan ich selb aigen insigel
nicht het der prief ist gegeben vnd ditz ist geschehen do von christes purd warn er
gangen dreuzehen hundert iar dar nach in dem fumf vnd zwainzigisten iar an sand agten tag