Wir fridreich von gotes genaden Ertzbischolf ze Salzburch Legat des stuls ze Rom. tuen
offenbar an disem brief. vnd tun chunt allen den di in an sehent od(er) horent lesen. daz wir Sa
mueln dem Iuden ze Salzburch. vnd seinen erben schuldich sein an ein pfunt zwai hundert
pfunt Salzburg(er) pfenning. vnd haben wir im dar vmb ze porgen gesatzt vnschaidenleichen
vns(er)n getriw(en) Ekhart(en) von Reyberch. vnd fridrich(en) seinen brud(er). Iansen von Goldekk. vns(er)n houbt
man. Diethern von velben. Chunrat(en) seinen brud(er). vnd wernhern den druchsäzz. mit allen
den gelubden di an d(er) hantfeste stent. di d(er) selbe Iude. vmb di vorgenanten pfenning. von
vns. vnd von in hat. vnd loben wir di selb(en) porgen. von d(er) porgschaft ze bringen an allen
schaden. vnd geben in dar vb(er) disen brief v(er)sigelten mit vns(er)m an hangenden Infigel. der
ist geben ze Salzburch des nächsten vreitags nach sand Marteins tag. do von Christes
geburd waren dreizehen hund(er)t Iar. dar nach in dem fvnf vnd zweinzigisten Iar.