Ich Chunrat der valser von Ens vergihe an disem prief offenlaich daz der erber herr
Apt ott von chotweich hat enpfolhen mir und meinen pruedern die vogteie die unser
vater dem got genad hat inne gehabt gæntzleich und gar verzicht und enntet
auch chaint recht an der selben vogteie niur die weil wir im der an gevallen
also daz der vorgenant erber herr apt ott oder wer apt und apt datz chotweich
ist unz mag entsetzen und die vogteie enphelhen wen er wil. und daz eber
ze urchund gib ich vorgenanter Chunrat von valls dem egenanten erbern
herrn apt Otten und seinem gotshaus datz chotweich disen prief versigelt
mit meinem insigel. der prief ist gegeben und daz ist geschehen do von
christes purd warn ergangen dreutzehen hundert iar dar nach in dem sehs
und zwaintzigistem iar an dem heiligen phingsttag datz chotweich