Ich Leb von Grafenwerd vnd ich Margret sein hausvrow vnd ich Ott von Sparbach sein brued(er) vnd alle vns(er)
erben wir veriehen vnd tuen chvnt allen den di den prief an sehent od(er) hozent lesen di nv lebent vnd her
nach chvnftig sint Daz wir mit verdahtem mvet vnd mit gesamt(er) hant dar zv mit gverleichem willen all(er)
vnser erben zv der zeit do wir iz wol getuen mohten haben ze chaufen geben dem erbn h(er)rn h(er)rn Wilhalm
von Winsperch zv den zeiten chorh(er)ren ze Pazzaw vnd pharrer ze hurben vnsers rehten aygens Als wir iz
vnd vnser vadern her braht haben in rehter aygens gewer Sibentzehen schilling phening gelts di da ligent
datz Inaphing auf zwain lehen mit allen dem nvtz der da zv geho(e)rt ze veld vnd ze dorff versucht vn(d) vn
versucht wie so daz genant ist ledichleich vmb zwainidreizzich phvnt phening wienn(er) mvnzz d(er) wir
reht vnd redleich gewert sein Iz schol auch der vorgenant her Wilhalm von Winsperch mit dem egenanten
guet furbaz allen seinen frvm schaffen mit verchaufen vnd mit versetzen vnd geben wem er wil mit vnse
rem guetleichen willen an allen irrsal Dar vber durch ein bezzer sicherhait so setzen wir vns vorgenante
ich Leb vnd ich Margret sein hausvrow vnd ich Ott von Sparbach sein brueder vnd alle vnser erben
hern Wilhalm von Winsperch des egenanten guetez ze schirm vnd gewern fuer alle ansprach als ay
gens reht ist in dem land ze Osterreich Nimt aber her Wilhalm von Winsperch dar vber dehainen
schaden mit reht an dem egenanten guet den schul wir im ab legen vnd loben im daz ze laisten mit
vnsern trewen vnd schol er auch dar zv den schaden haben auf alle dem guet vnd wir haben in O(e)ster
reiche Daz di red also staet vnd vnzerbrochen belaib dar vber so gib ich Leb von Grafenwerd vn(d) ich
Ott von Sparbach sein brued(er) disen prief versigelten mit vnsern baiden Infigeln zv einem vrchvnd
vnd zv einer staeten sicherhait diser sache Der wandlung sint gezevg her Ortlieb d(er) zandel her
Aracher von Egenperg her hartmves der fleischezz her Leb von Smidbach vn(d) heinreich sein brued(er)
vnd erber lewt den di sache wol chvnt ist Der prief ist geben datz Sand Po(e)lten nach chriftez ge
burtte vber drevtzehen hvndert Iar dar nach in dem dreizzigisten Iar an sand Georien tag