Wir Graff Vlreich von phannb(er)g Marschalch in Osterreich Veriehen mit disem brief Daz vns
vnser lieb vnd genedig H(er)ren H(er)tzog Albr(echt) vnd H(er)tzog Otte ze Osterr(eich) enpholhen habent ir vogtey
vber dev pharr vnd vber den widem ze T(h)olmb vnd vber allez daz dar zv gehort levt vnd
Gut daz ir vogtey ist nach des Ersm(en) mannes bet vnd vordrung h(er)n Hainreichs des Chastenpecke
pharr(er)s ze T(h)olmb vnd wellen wir daz selbe Goteshaus vnd sein levte vnd sein gut ze wirdichait
durch Got vnd ouch durch vns(er)r H(er)ren willen d(er) H(er)tzogen in Osterr(eich) getrewlich beschirmen vnd
innhaben mit allem dem reht als ez von alter gewonhait herchomen ist als lang vnd ez
vns(er)r H(er)ren d(er) H(er)tzogen wille ist vnd ez dem pharr(er) ze T(h)olmb d(er) danne pharr(er) ist fvr
leich vnd nvtz ist vnd geben dar vb(er) disen brief besigelten mit vns(er)m Insigel Der gegeben
ist ze wienne nach vns(er)s H(er)ren gebvrde Tausent drew Hund(er)t Iar Darnach in dem
ain vnd dreizzigisten Iar an Eirtag nach dem palmtag