Ich Dietreich der Alt von Weizzenbach vnd ich Dietreich sein Svn ^3w^ iehen offenleich an disem prief vnd tvn chvnt allen den die in sehent oder horent
die nv sint oder hernach chvmftich werdent Daz wir mit wol verdachtem mvt ^3w^ d mit aller vnser Erben gvnst vnd gvetleichem willen ze den
zeiten do wir ez wol getvn mohten haben gegeben die chirch(en) datz Hoffteten di vnser rechts aigen gewesen ist mit alle der vnd darzv gehort
versvcht vnd vnversvcht vnd auch vnser lehenschaft die wir dar an gehabt haben vnser frawen Goteshaus hintz chotwig vnd d(er) ept(en) vnd d(er)
Samnvng daselben dvrch got vnd dvrch aller vnser vordern sel hail willen allen iren frvmen damit zeschaffen als mit anderm irem aigen an al
len irrsal also mit beschaidener red daz wir derselben chirch(en) datz Hoffteten vnd allez des daz darzv gehort fogt sein schvllen an allen schaden
wir vnd vnser Erben vnd swer der Altist Weizzenberger ist der schol di fogtay inne haben Vnd wer aber des got nicht geb daz der Weizzenberger
nicht mer w(ur)de so schol diselb fogtay Erben auf di altisten frawen di der Weizzenberger geslaeht ist vnd swer auch di fogtay inne hat ez sei
fraw oder man dem schol der pharrer von Hoffteten geben alle Iar an sand cholmans tag ainen lembereinen pfeltz der sehs schilling wert
sei wienner pfenning vnd auch nicht mer zv ainem vrchvnde der fogtay Vnd setzen auch vns wir vnd alle vnser erben der oft genanten
chirch(en) datz Hoffteten vnd allez des daz dar zv gehort schirm vnd gewer fver alle ansprach nach landes recht ze Osterreich vnd an allen
ieren schaden vnd swaz in dar an abget daz schvllen sev haben auf alle der vnd gvt haben in dem lande ze Osterreich Vnd dar vber daz di
Gotsgab vnd auch di sache stet vnd vnzerprochen beleib von vns vnd von vnsern Erben geben wir ich vorgenanter Dietch der Alt von
Weizzenberch vnd Dietrich mein Svn dem vorgenanten Gothaus ze chotwig disen offen prief mit vnsers genedigen herren pischof
Albrechts von pazzaw hangendem Insigel vor dem di gab vnd auch di sache geschehen vnd gewandelt ist vnd auch mit vnsern paiden
hangenden Insigelen zv aim waren vrchvnde der sache Vnd ist daz geschehen vnd auch der prief gegeben do man zalt von christes ge
pvrde drevzehen hvndert Iar dar nach in dem zwai vnd dreizzigstem iar An sand Iacobs tag datz sand polten in der stat