Ich vlreich von lengenveld vnd meyn erben tuen chunt alleden di disen prief sehent od(er) ho(e)rent lesen
di nv lebent vnd her nach chufug werent daz wir fur chauft hawen eyn fieur tayl eyns lechens
dast piun daz vns ledig wart von vnserin erbere(n) frevnt zesari vnd von seyn havsfrawen fur
maregreten vnserin ebere(n) frevnt stephen von warten stain vmb fiun schilling wien(er) phennig
der schon redleiche vnd rech gewert seyn wir schul auch stefan des warten stain schirm vnd
gewer seyn als landes recht ist fur vnser erben Daz dise red stet vnd vnpebrochen we
leyb do vber gib ich im vnd seyn havsfrawen disen prief fur sigelt mit meym insigel
zv eym waren gezevg vnd zv eyn festigun(g) diser sach vnd gib in des gezevge Mey ayde
wolfherte(n) von po(e)lschen torf vnd vns(er)n frevnt Gotfriden von prun vnd seyn sun hayn
reiche vnd and(er) erb levt den dise ret wol chut ist Der prief ist gewen do von
(chr)istes geburt wart dgangen drevzehe(n) vndert iar do noch in dem sibin vnd drey(
s)giten iar des suntags ze miter vasten so man singet letare