Ich Rueger vnd Chuenrat vnd Hans brued(er) wir tuen chunt allen den di(e) den p(ri)ef sehnt od(er) horent lesen di(e) nv sind
od(er) her nach chunftig werdent Daz d(er) erb(er) herr abpt Wulfinch vns(er) wäwn gotshaus ze chotwig ainen tzehent
datz Aarchpach gechauft hat wid(er) vns(er)n vater h(er)n walth(er)n von Aeylestorf dem got genad vmb dreizzig pfunt
pfennig wienn(er) mvntz vnd ist daz geschehn mit vnserm gueten willen vnd sein auch d(er) vorgenante pfennig recht
vnd gar gerit vnd geben dem vorgenante(n) herren vnd seim(e) gotshaus disen p(ri)ef ze ainem vrchund v(er)sigelt vnd
bestetigt mit vnsers ohems Insigel h(er)n walther(e)s purchgrauen datz Deufnek vnd wan wir drey prueder
nv(r) ain Insigel haben geb(en) wir vnsers prued(er) Insigel Ruegers an disen p(ri)ef ze ainem vrchund diser sach. Der
p(ri)ef ist gegeben do von ch(ri)stes gepurd ergange(n) warn dreutzehn hundert Iar dar nach im Newn vnd dreizzigste(n)
Iar an dem andern Sunntag in der vasten : - : - : - : -