Ich Ort der Chayser purger ze Newnburch chlosterhalben. Vergich vnd tun chunt allen den die disen brief lesent oder horent lesen
die nv lebent vnd hernach chunftich sind. Daz ich mit meiner erben guten willen vnd gunst mit verdachtem mut vnd rath
meiner pesten freunde. rat got der geit do cost iz wol getun mocht. Vnd mit meins purgermaisters hern Fridreichs des Chais
ser ze den zeiten Amptman des erbern chnecht hern Hansen des treyssen ze wienne. Verchauft han zway phunt wienner phen
ning geltes purgrechtes Auf meinem weingarten der da leit an dem Aufgange des ein halbs lehen ist. ze nachst hern Hansen
weingarten des hohassen. purchtolts sun an dem Aufait vnd haizet die halden. da man alle iar von dem egenanten meinem
weingarten dient. Ainen Eimer vnd ein viertail. vnd zwo schuss weins ze rechtem purgrecht vnd drey schilling ze purrecht
vnd nicht mer. Die vorgenanten zway phunt wienner phenning geltes purgrechtes. haben wir recht vnd redleich ver
chauft vnd geben. vmb sechtzehen phunt wienner phenninge der wir gar vnd ganczleich gewert sein. dem erbern hern
hern Hansen dem wisendinger von Mitter taw. des hochgeborn fursten schreyber. Herczog Albrechtes an osterreich ze
Steyr vnd in Charnden. vnd seinen erben. hinziczeleich vnd ewiclichen ze haben vnd allen irn frumen da mit ze
schaffen. verchauffen versetzen vnd geben swem si wellent an allen missal. Also mit ausgenomenen rede. daz ich oder mein
erben oder swer den vorgenanten weingarten nach mir besitzet in die egenanten zway phunt geltes hinzicze alle iar da von dienen
sulln ze zwayn zeiten in iar. Ayn phunt ze phingsten. vnd ayn phunt ze weyhennachten mit allem dem nutz vnd rechten
alz man ander purgrecht in dem Lande ze osterreich dient. vnd sol auch ich oder mein erben oder swer den vorgenan
ten weingarten nach mir besitzet die egenanten zway phunt geltes ab losen nach vier erben swenne wir swelhes iares wir
mugen oder wellen. nur mit zwayn andern phunden geltes purgrechtes Auf einem andern erbe die alz gut vnd alz wol
gelegen sein alz Auf dem egenanten vnserm weingarten. vnd swelhes iares wir in ze einem iedeschen tag vnd wandelnt ist
des purgrechtes nicht endienen. so sol sich denne daz selbe purgrecht hinzicze mit vnserm guten willen an alles furder vnd an
alle chlag Auf dem egenanten weingarten zwayvalden inmer ze vierzehen tagen alz purgrechtes recht ist. so lang vntz daz der
selb weingart nicht tewer ist. denne daz purgrecht vnd die zwayvalde die dar Auf gegangen ist. vnd swenne daz geschiht
vnd daz si dem gewaltigen sein recht getent. der sol si denne des selben weingarten ze hant tewaltich machen vnd an die
gewer setzen. in allem dem rechten alz ob si in mit vrtail vnd mit recht vor rechtem gerichte in ir gewalt erlangt vnd
behabt hieten. vnd pin auch ich vnd mein erben inmer schadenleich der vorgenanten zway phunt geltes. des egenanten hern
Hansen des wisendinger vnd seiner erben oder swem er si schaft oder geit rechter gewer vnd wer fur alle anspruch. alz purgrechtes
rechtes recht ist vnd des Landes recht ze osterreich. wær aber daz in mit recht der zway phunt geltes purgrechtes an dem
egenanten weingarten icht ab gienge daz sulln si haben Auf mir. vnd Auf allem meinem gut daz ich han an dem Lande ze oster
reich. ich sey lebentich oder tode. vnd daz diser chauf hinzicze also stæt vnd vnzerbrochen beleib. vnd wend ich nicht aigens
Insigils han. dar vmb so gib ich in disen brief ze einem stæten vrchund versigelt. mit des vorgenanten hern Fridreichs Insigil
des chaissers. vnsers purgermaisters. vnd mit des erbern manns Insigil Hansen des dom tor ze Newnburch die
diser sach gezeug sind mit irn Insigeln. Diser brief ist geben ze Newnburch chlosterhalben an
den hundert iar. dar nach in dem funf vnd vierczigisten iar. des næchsten phincztags nach