Ich Hainreich der Schyke ab dem Stranberg vnd ich Helen sein Hauswrawe vnd ich Osann Chunrats Wtib des Svnthaims dem Got gnade wir veriehen vnd tvn chunt allen den die disen
brief lesent oder hoerent lesen die nv lebent oder hernach chvnftich sind daz wir mit vnserer erben gvtem willen vnd gunst mit verdachtem mvt vnd mit gesamter hant ze der
zeit do wir iz wol getvn mochten vnd mit des Grvntherren hant hern herborts auf der Sevl verchauft haben Zwelf phunt Wienne(r) phenning Geltz purkrechtes die wir
gehabt haben auf hern Otten Haus von Chuelawb daz da leit bei s(an)t P(et)er ze Wienne daz weilen Dietrichs vnder den Lauben gewesen ist dem Got gnade vnd die vns gelid
mich vorgenanten Helen vnd mich Osannen ir swester an erstorben sind von vnserm Vatern Hainrychen Sorn chuleuber dem auch Got gnade Die vorgenanten zwelf phunt Wienne(r)
phenning Geltes purkrechtes hab wir reht vnd redleich verchauft vnd gegeben mit alle dem nutze vnd reht als wir sy in purkrechts gewer her bracht haben vmb sehsic phunt
rehtzich guet(er) loetigs silbers Wienne(r) gewichtes des wir alles gar vnd ganczleich gewert sein dem egnanten Erbern Rytter hern Otten von chuelawb zv den zeiten Hofmaister vnsers
Genadigen Herren des hochgeborn fursten herzog Albrechts ze Oesterreich ze Swar vnd ze aigen ledichleich vnd weyklich zehaben vnd allen seinen ruemen da mit ze schaf
fen verchaufen versezen vnd schaffen vnd gebn swem er welle on aller verrecht Also mit auzgenomenen red Ist daz her Ott von chuleub die selben zwelf phunt Geltes vntz an
seinen tod versparen mag so schuelln si denne zehant ledichleichen gewallen auf vnser Vrawn chappeln ze chuleub oder swo er sey nach seinem Tod hin schaft oder geit vnd swer auch
denn daz vognant Haus pesitzet oder inne hat der schol denne furbaz alle Iar der egnanten zwelf phunt geltes do von dienen der chappeln vnser Vrawn ze chuleub oder swem si
her Ott von chuleub schaft oder geit ze drin teigen in dem Iar vier phunt an sand Michels tag vier phunt ze Weihnahten vnd vier phunt an sand Georigen tag mit alle dem
nutz vnd reht als man in dem purkrecht in der stat ze Wienne(n) dint vnd an die selb chappeln von dem egnanten Haus furbaz dienen also gar vnd gancz Wienne(r) phenning ze
gutem reht Vnd sein auch wir ich Hainreich der Schyke vnd ich Helen sein Hauswrawe vnd ich Osann ir swester chunrats Wtib des Svnthaims vnd alle vnser Erben vnverschaidenlich
die vorgenanten zwelf phunt wienne(r) phenning geltz purkrechts hern Otten von chuleub oder swem er si schaft oder geit rehte gewern vnd schirm fur alle anspruche als purkrechtes
reht ist vnd der stat reht ze Wienne(n) Wer auer daz si in reht an der selben Gvlt chriegs oder anspruche gewunnen swaz si des schaden nement den schuell wir in allez auzrichten
vnd wider chern on allaw rede vnd on allen iren schaden vnd schuelln auch si des heten auf vns vnverschaidenlich vnd auf allem vnserm gut daz wir haben in dem land ze Oester
reich wir sein lebennich oder tod Vnd daz diser chauf furbaz also stæt vnd vnzerbrochen peleib des vber so geb wir Ich Hainreich der Schyke vnd ich Helen sein Hauswrawe in
disen brief zv ainem waren vrchunde diser sache ver sigelten mit vnserm Insigel vnd mit des Ernntbaren Insigel des vorgenanten hern herborts auf der Sevl vnd mit hern Walt
hers Insigel von dærseneke vnd mit hern Iansen Insigel seins Brueder vnd mit hern Geimprehts Insigel des Sævruden ze den zeiten purger maister ze Wienne(n) vnd mit hern
Dietrichs Insigel des Vlreichsen die diser sache gezeug sind mit iren Insigeln Vnd wand ich vorgenantew Osann selbs niht aigens Insigels han so ver pint ich mich mit meiner
trew vnder der egnanten Insigeln allez daz stæt zehaben vnd zelaisten daz in disem brief geschriben stet Diser brief ist gegeben ze Wienne(n) nach Christes ge
burd Drevtzehen hundert Iar dar nach in dem funf vnd vierzigisten Iar an sand Erasams Tag