R2_STRONG
1321_V_01
AT-StiALi > LilienfeldOCist > 1321_V_01
highMonasterium
Zdroj: MonasteriumAI paleografieAI interpretace
Zobrazení
Překlad
Transkriptgemini-3.1-pro-preview
Ich Alber von Mainberch mit samt meiner hausfrawen v(er)n Margreten Vergich vnd tůn chunt allen den die disen prief lesent vnd horent lesen Daz ich
mit geräintem rät meiner frevnt mit gesamter hant vnd durch recht ehaftnot die mir anlag von Juden schaden han verchauft meines rechten aigens zwelf
schilling geltes die gelegen sint auf zwäin höfen pei dem Laimperch ainer ist genant der Lerhof der ander die gansweid vnd drevzechen tagwerch wismädes
die gelegen sint in dem sulczgraben mit samt dem grunde vnd stüts holczes in der wis leit mit allem dem recht vnd ich es han gehabt ze dorf ze veld vnd ze
holcz wismat vnd wäid versuecht vnd vnversuecht swie daz ist genant mit willen hern Ortliebes von winkel vnd seiner hausfrawen meiner swester v(er)n
perchten vnd hern Otten von Ekhartzsaw vnd seiner hausfrawen v(er)n Chvngunten meiner mvenen vnd hern fridreiches des deczenpruker vnd seiner hausfrawen
v(er)n Alhaiden vnd mit hern Chůnrades des Eysenpretels meines ohems vnd allen iren erben die des selben gůtes erben waren vnd mier nach meiner mvt(er) tod
gefiel ze rechtem erbtaill do ich mit in tailt mit fürzicht daz ich da mit solt schaffen allen meinen frvm ze versetzen vnd ze verchaufen als mit anderen meinem
aigen Dem erberen prelat d(er) Ottacheren dacz Lylienueld vnd seinem Conuent vmb fvinf vnd vierzich phfunt phenning wienner mvinz der ich gänczleich
pin gewert Also daz der forgenant apt vnd der Conuent süllen schaffen allen iren frvm mit der egenanten gült als mit anderen iren aigen Vnd ich der for
genant Alber von Mainberch lob die selben gült zeschermen dem chloster mit samt meiner hausfrawen v(er)n Margreten vnd mit meinen erben als lang als recht
ist aigen ze schermen in dem lant ze osterreich Vnd swaz dem chloster von ansprach chost arbäit vnd mve dar auf get daz sol ich im ablegen mit meiner
chost vnd setz dar vmb ze scherm alles daz daz ich han in dem lant ze osterreich Vnd ist disev gült gechaufet vmb daz gvet daz mein herre der chünich
friderich dem chloster hatt geben ze selgeret Daz der chauf vnd der scherm als forgeschriben ist stät vnd vnzerprochen peleib des gib ich der forgenant
Alber von Mainberch mit samt meiner hausfrawen v(er)n Margreten disen prief versigelt ze ainer ewigen pestättunge diser sache mit meinem Insigel
vnd mit hern Ortliebes Insigel von winkel vnd mit hern Otten Insigel von Ekhartzsaw vnd mit hern fridreiches Insigel von deczenpruk vnd mit
hern Chůnrades Insigel des Eysenpretels die ich dar vmb gepeten han vnd auch gezveg sint diser sach mit iren Insigeln mit gezvegen die hie penäint
sint Daz ist her chrystan von vichoven der druzsezz vnd her weichart von Topel vnd sein sůn her weichart vnd her vlreich her Otto
vnd her Dietreich von wezzenperch her Engeldiech der chrevzpech her stephan von hochenperch Dietreich vnd stephan sein sůn folchwein vnd Otto
die pömer vnd dämvt vnd ander frvm levt genuech den disev sach wol chunt ist Diser prief ist geschriben do von christes gepürt waren er
gangen drevzechenhvnder jar dar nach in dem ains vnd zwainczigistem jar an sant philippi vnd an sant Jacobi tag
mit geräintem rät meiner frevnt mit gesamter hant vnd durch recht ehaftnot die mir anlag von Juden schaden han verchauft meines rechten aigens zwelf
schilling geltes die gelegen sint auf zwäin höfen pei dem Laimperch ainer ist genant der Lerhof der ander die gansweid vnd drevzechen tagwerch wismädes
die gelegen sint in dem sulczgraben mit samt dem grunde vnd stüts holczes in der wis leit mit allem dem recht vnd ich es han gehabt ze dorf ze veld vnd ze
holcz wismat vnd wäid versuecht vnd vnversuecht swie daz ist genant mit willen hern Ortliebes von winkel vnd seiner hausfrawen meiner swester v(er)n
perchten vnd hern Otten von Ekhartzsaw vnd seiner hausfrawen v(er)n Chvngunten meiner mvenen vnd hern fridreiches des deczenpruker vnd seiner hausfrawen
v(er)n Alhaiden vnd mit hern Chůnrades des Eysenpretels meines ohems vnd allen iren erben die des selben gůtes erben waren vnd mier nach meiner mvt(er) tod
gefiel ze rechtem erbtaill do ich mit in tailt mit fürzicht daz ich da mit solt schaffen allen meinen frvm ze versetzen vnd ze verchaufen als mit anderen meinem
aigen Dem erberen prelat d(er) Ottacheren dacz Lylienueld vnd seinem Conuent vmb fvinf vnd vierzich phfunt phenning wienner mvinz der ich gänczleich
pin gewert Also daz der forgenant apt vnd der Conuent süllen schaffen allen iren frvm mit der egenanten gült als mit anderen iren aigen Vnd ich der for
genant Alber von Mainberch lob die selben gült zeschermen dem chloster mit samt meiner hausfrawen v(er)n Margreten vnd mit meinen erben als lang als recht
ist aigen ze schermen in dem lant ze osterreich Vnd swaz dem chloster von ansprach chost arbäit vnd mve dar auf get daz sol ich im ablegen mit meiner
chost vnd setz dar vmb ze scherm alles daz daz ich han in dem lant ze osterreich Vnd ist disev gült gechaufet vmb daz gvet daz mein herre der chünich
friderich dem chloster hatt geben ze selgeret Daz der chauf vnd der scherm als forgeschriben ist stät vnd vnzerprochen peleib des gib ich der forgenant
Alber von Mainberch mit samt meiner hausfrawen v(er)n Margreten disen prief versigelt ze ainer ewigen pestättunge diser sache mit meinem Insigel
vnd mit hern Ortliebes Insigel von winkel vnd mit hern Otten Insigel von Ekhartzsaw vnd mit hern fridreiches Insigel von deczenpruk vnd mit
hern Chůnrades Insigel des Eysenpretels die ich dar vmb gepeten han vnd auch gezveg sint diser sach mit iren Insigeln mit gezvegen die hie penäint
sint Daz ist her chrystan von vichoven der druzsezz vnd her weichart von Topel vnd sein sůn her weichart vnd her vlreich her Otto
vnd her Dietreich von wezzenperch her Engeldiech der chrevzpech her stephan von hochenperch Dietreich vnd stephan sein sůn folchwein vnd Otto
die pömer vnd dämvt vnd ander frvm levt genuech den disev sach wol chunt ist Diser prief ist geschriben do von christes gepürt waren er
gangen drevzechenhvnder jar dar nach in dem ains vnd zwainczigistem jar an sant philippi vnd an sant Jacobi tag