Wir Hainreich von gotes genaden. E(r)tzbisch(of) ze Salczb(ur)g und ze Beden. H(er)tzog in K(er)nden. und
E(r)welet(er) ze Ratisp(on) und ze Cost(n)itz. Vogt des Gotzhause(s) ze Wilte(n). ze K(er)nden. und ze Briesen.
Veriehen und tůn chunt an disem brieve. Allen den. die in sehent od(er) horent lesen daz uns(er)
getriw Dietreich von Alben. Hainreich der Stachel. und Hans der Swa(r)cz. mit ir briefen. und
mit ir Insigeln. uns beweiset habent daz Dietreich weilent E(r)ndigers sun von Sla(n)sperch. mit
gůt(er) bedahtunge. und mit seiner freunde rat. durch Got. und durch sein sele willen
und aller seiner vord(er)n sele hilfe. und ze troste. dem Gotzhause ze Wilte(n). und den h(er)ren da
selben. zway Gůt geschefft(en) hat. aines ze Eham(m)eten. und daz and(er) in Astreiger Walde. daz
da haist uf dem Půhel. ob dem Tůrner. daz besitzet E(r)ndig(er) seiner pruder. und den hof ze
Eham(m)eten. den wolt er dem Gotzhause. und den h(er)ren nicht lazzen. da nach ward er von seinen
freunden beweiset. daz er. dem Gotzhause. ainen and(er)n hof gab an d(er) stat. der gelegen ist
in Astreiger Walde. ob der Newnch(ir)ch(en). mit soliche(m) beschaidenhait. daz die vorgenanten h(er)ren von
Wilte(n). Jærlichleich zü Dietreiches Jartzeit. ain Spente geben süllen. zwelf hundert armen lew=
ten. da zü si geben süllen. vier und zwainzich stærichmæzze laben. und Kæsen. und fůnfczich
zehen phunt pfenning Kæse. und den h(er)ren sol man zway mal geben abent und morgens
als vil sülle si Jærlichleich. Eha(m)eten. und Kæse. ze ain Spente geben. ze E(r)ndig(er)s Jartzeit
des vorgenanten Dietreiches p(r)ud(er)s. und den h(er)ren zway mal. darumb schůf er dem Gotzhause
und den h(er)ren. zway Gůt. in dem Jntal. aines uf P(r)unn. und daz and(er) ze Půrgigel. und ge=
schach daz mit sein(er) freunde rat. die da pei waren. da er die selben zway Gůt. und die
vord(er)n zway. daz uf dem Půhel. und daz in Astreiger Walde. ledichleich dem Gotzhause. und den
h(er)ren. und den h(er)ren. uf gab. ze Wilte(n) in dem Chloster. und die selben vier Gůt. als
si hie benent sint. hat er geschefft dem Gotzhause und den h(er)ren ze Wilte(n). fůr ledigew
Gůt. an alle ansprache. und an alle vogtey. mit allem dem. und da zü gehort besůchtes und
unbesůchtes. und sülle si den Gůt besetzen. und entsetzen. und damit schaffen und tůn. als mit
and(er)n iren aigen Gůten. und sülln si ir Jartzeit. Jartzeit begen. mit Messen. und mit vigilien
und mit and(er)n gewonleichen gůttæten. Gescæhe a(u)ch daz. daz Got nicht verhenge. ob daz Gůt
ain stat an gienge. od(er) die Gůt etleich(en) gepresten gewunnen. ez wære von Wasser. od(er) von welh(er)
laye gepresten daz wære. daz die Gůt. iren gesatzten dienst nicht mochten geben. welhes Jares
daz gescæhe. so sint die h(er)ren nicht gepunden ze tůne. als vorgeschriben ist. uncz an die zeit.
daz die Gůt iren gewonleichen dienst. gæntzleich můgen geben. daz a(u)ch daz vorgeschriben Almo=
sen a(u)srichtleich. zü der zwayn Jartzeiten geben werde. und allez daz gescæhe Jærlichleich. als vor
geschriben ist. sol der pharrer von Jnspr(u)kke. swer der ist. od(er) wirt. und ain h(er)re von sand
Georgen perge. darzů chomen. und da pei sein. wenne man die Jartzeit paide beget. daz nicht und(er)=
wegen beleibe. und sol man nach der messe. dem h(er)ren. von sand Georgenperch. ze ietwed(er) Jar=
tzeit. ain phunt pfenning geben fůr seine chost. der Spittler von Jnspr(u)kke sol a(u)ch da pei
sein. ob daz Almosens icht ub(er) werde. daz sol man im alles antwurten. paide(n). p(r)ot. und
Kæse. Wær a(u)ch daz. ob die oftgenanten h(er)ren von Wilte(n). daz ub(er)sæhen. und nicht tæten.
als vorgeschriben ist. so süllnt die h(er)ren von sande Georgenperge. daz selbe Jartzeit. und ez nicht
gescæhe. den dienst ab den Gůten nemen. und sülln si allez daz. davon tůn. als vorgeschri=
ben ist. daz si a(u)ch daz selbe tůn. und nicht und(er)wegen lazzen. sol der Spittler von Jnspr(u)kke
da pei sein. da si daz Almosen gebent. und sülln si daz selbe Jartzeit. dem Spittler ze
Jnspr(u)kke. ze ietwed(er) Jartzeit. ain phunt pfenning geben. und swaz des Almosens ub(er) wirt.
daz sol er gar nemen. Daz dize gescheffte. und daz gesatzte. Dietreiches. und E(r)ndigers
dem Gotzhause. und den h(er)ren. ze Wilte(n). stæte. und unzeprochen beleibe. und daz si fůr=
baz. an alle ansprache beleiben. ez sei von irn freunden. od(er) von den. die and(er)n ir Gůt erbent.
od(er) erbent wæren. od(er) von and(er)n iemen. Geben wir in disen brief versigelt(en) mit uns(er)m
hangenten Jnsigel. ze ainer ewigen urchůnde. der aigenschaft. der vorbenanten vier Gůte.
Diser beschaidunge sint gezeuge. h(er)r E(r)ndreich tů(m)probst ze Priesen. h(er)r Hainreich und
h(er)r Johans uns(er) chappela(n)ne. und unser getriw. Albrecht von forst. Vlreich der s(w)a(r)cz.
Perger. Chůnrat von P(r)em(m)en. Kůn von Nůndorf. Chůnrat der Holb(er)ch. und Chůnrat
der Můllner. und and(er) erber lewte. Daz ist geschehen tawsent Jare. und drew hundert Jare. und da nach in dem sechst. und zwainzigistem Jare.
des næchsten freitags nach dem zwelften : -