Wir Hainreich von Gotes genaden chünig ze pehaim vnd ze polan herczog in chärnden Graf ze
Tyrol vnd ze görz vogt der hailigen gotz häuser ze Aqlay ze triend vnd ze prichsen vergiehen
vnd tün chunt mit dism offen brief alln den die disn brief an sehent hörent oder hörnt lesnt daz
wir vnsm getriwn Hansen dem plozzen vnsn hof ze Epan vmb ain benanten zinse gelahen
habn der gelegen ist zwischn sand pauls vnd ze sand Iustam vnd ist gehaizzen zü dem stadel in
sind ahtzehen janch vnd die ligent alle an ainand(er) ainthälb dez weges vnd hie ditz allz wän ain halbe
janch lait ain ainen haiser haisset der anlänt den er von vns vnd von vnsn vodn er vnd sein
vodn den hof vormalsn ze erprecht gehabt hat vnd hat vns da von gezinset von zwain janchen
halben wein vnd von dem andn dreyffich stâr chorn vnd waiz daz habn wir im alles ledich
gelazn vnd all dienst die er vns oder vnsn ambtläuten tün solt der sol er aller ledich vnd frey sein
In sol vns vnd vnsn erben er vnd sein erbn järleichn vnd ewichleichn gebn vier füder weins in
dem wimöd vnd wer vnser amtman ist zü dem newn hause der sol die vorgen(anten) vier fvd(er) weins nem(en)
an in dez vorgen(anten) hansen dez plozzen chäller ze torkel in ainser perung in der beschaiden ob er vns
den zins von gotes gewalt nicht geben mächt er oder sein erbn so sülln wir oder vnser erbn im dez
zinse paiten von aim jâr zü dem andn an geuärd aintz daz er in vns geben mag vnd erlaüben im
ob er den hof im lazzn wolt andn paüläuten da mit vns vnser hof gepessert wd ain täyl od(er) gar
dez sol ain sein aigen vnschedleich sein vnd ob vns der hof zü dain zeiten ledich wird so süllent die
selbn paüläute die pey im stäiftan beleiben als lang si güt paüläute sind vnd sol aüch den vorgen(anten)
hof er vnd sein erbn haben vnd pesiczen mit alln den rehten vnd nützen vnd wirden vnd eren die
dar zü gehornt vnd sol aüch gehorn in vnser ehaftamt mit dem gericht gen dem newn hause als ez vo
alter her chomen ist vnd aüch nämleichn mit andn sein güten die er gezint hat oder noch fürpaz immer
gezint vnd sun(der)leichn mit den güten die er von vns ze lehen hat daz da haisset auf dem anger vnd sol
aüch die gemaind niezen in päyden gerichten vnd sol aüch in päyden gerichten als gejägde treiben
vnd sol aüch vischen in päyden gerichten auf der etsch od(er) in chintzhal auf paden seiten oder wo er in dem
gericht wil in den selbn rehten als vor geschriben stet dazw wir im vnd sein erbn den vorgen(anten) hof ab
ueslahen vnd schäczn für vns vnd vnser erbn sein vnd sein erbn reht gebn dar vmb ze sein vnd
ze weschrim vor mänchleichn als landz reht ist vnd wellen aüch daz die smälägung für vns vnd
vnser erbn im vnd alln sein erbn ain ewige sm läzung sey vnd daz er fürpaz chain newe anphähung
noch täding nicht tü vnd daz diser brief vol sein chraft vnd macht pehab daz im daz also stät vnd vn
prochen beleib zü ain vrchünd der warhäit Geben wir im disn offen brief vsigle mit vnsm aigen
an hangandn insigl Geben auf tirol nâch christus gepürd drewzehn hündt jâr vnd dar nâch
in dem vier vnd dreyffigistn jâre dez neünten tags in dem Mayn : :