Wir Hainrich von Gots gnaden chunig ze Beheim un(d) ze Polan, herzog in Charndn un(d) gr(af) ze
Tyrol, embn unsm getrwen Piligrim dem Perchting(er) uns(er) huld un(d) allez gut. Umb
diu sache un(d) diu geschefte als du uns geschribn hast, habn wir mit dinem sun ge
rett, der hat uns geheizzen, daz er rat habn well, swaz du din(er) wirtinne schaffest.
Dar umb dez geschefte din(er) wirtin(ne) solt du wizzen, ist chreftich, swie du die von
Wihteyn(er)n schaffest ze lehen, daz wir si dar an gen dinem sun un(d) gen menni
chlich schirmen welln, daz si dheinen ungemach dar an icht laidn, un(d) sin bei nutz
un(d) gwer beleibn, unz si von dinem sun od(er) von sinen erbn gentzlich
bericht werdn, allez dez Guts, daz si mit gut(en) gwiuzzen bezeigten, daz si zu
diner wirtin(ne) gebn habn, od(er) du selber schuffest. Un(d) gebn in dz
disen pr(ief) ze urchund mit unsm Insegel besigelten. D(er) ist
gebn ze Brixen, do man zalt von Christs geburt Driuzehn hund(er)t
Iar un(d) dar nach in dem vier un(d) zwainzigistm Iar, des dinczken
nach s(ant) Agat(en) misse.