Ich Hainrich d(er) Berchtinger wilent h(er)n Hilprantes des B(er)chting(er)s Sun. Vergih daz ich mit gvter betrahtung vnd nah miner
friwnde rat fur mich vnd fur alle min erben den ersamen h(er)ren dem abte vn(d) d(er) samnung aller vnd allen iren nahkomen des
gotshuses ze wilten vnd dem selben gotshuse gantzlich vnd gar mit disem gegenwurtig(e)n brief den ich in dar vber gege
ben han bestatige vnd bevestent han ain ewklich stat haben wil alles daz geschaft vn(d) selgerate vnd alle di gvt als
min vorgenant(er) salig(er) vat(er) h(er) Hilprant den selben h(er)ren allen ze wilten vn(d) dem gotshuse geschaft hat vn(d) gegeben vnd
als si des sinen geschaft brief habent mit mines gnadig(e)n h(er)ren kunch hainrichs von Behaim Infigel bestatigt vn(d) beve
stent Ich vergih ouch daz ich di selben gvt alliv besvcht vnd vnbesvcht erbowen vnd vnerbowen ze min aines lip ze aine(m)
zwifchen sant Gallen tach vn(d) sant martins tach den vorgesprochen h(er)ren allen ze wilten vn(d) dem gotshuse bestanden han mit solhem gedinge daz ich jarclich
funf vnd zwaintzich phunt zal bern(er) von den selben gvten allen di in min vorgenant(er) salig(er) vat(er) ze ainem ewigem selgerate
siner sele vnd aller siner vodern vn(d) nahkome(n) selen hat gegeben Ich vergih ouch daz ich fur mich vn(d) fur alle min erben
vor vz zv den vorgeschriben gvten allen den vorgeschprochen herren ze wilten vn(d) ir nahkomen allen vn(d) dem gotshuse ewklich
gegeben han daz wismat alles mit aller der gehorde vn(d) dar zv geharent ist daz zwifchen des alten gewes vnd des
gewes d(er) ab wille ligent ist vnd han in daz gegeben min(er) sele vn(d) aller min(er) vodern vn(d) nahkomen selen ze aine(m) selgerate
vn(d) ze trost vn(d) ze helfe also daz d(ie) ofogenante(n) h(er)ren ze wilten alle vn(d) ir nahkome(n) von den vorgeschprochen funf vnd
zwaintzich phunden di si jaerclichen von mir ze zinse nement vn(d) von dem vorgenante(m) wismat mines ofogenante(n)
saligen vaters vn(d) miner vnd aller min(er) vodern vn(d) nahkomen sele mit messen mit vigilien vn(d) mit ander gewonliche(r)
wer ouch daz daz ich in den vorgeschriben zinse zwifchen den zilen di vorbenant sint jaerclichen nicht gabe von fvelh(ai)t
samung des gotshuse so sulen in alle di vorgenante(n) gvt di ich von in ze zinse han vn(d) di in mines ofogenante(n) sa
ligen vaters geschaft brief stant ledich sin aller dingen an allen krieg vn(d) aniderrede vn(d) di selben herre(n) alle ze
wilten vn(d) ir nahkome(n) sulen denne ewklichen dar von tvn vn(d) gebunt(e)n sin ze tvn alles daz daz in mines vorgenante(n) sa
lige(n) vaters geschaft brief stet geschriben Dar zv mer alle di wile vn(d) ich di vorgeschriben gvt alliv inne han vn(d)
mit reht niezzent bin so wil vn(d) sol ich ze des selben mines saligen vaters vn(d) ze mines saligen sunen h(er)n fridriches ge
ziten mit almu(e)sen mit spende(n) vn(d) mit ander gvtat von dem gelt d(er) vorgeschprochen gvt alliv tvn daz minen triwen vnd
eren wol an ste vn(d) als ich got fur mich vn(d) fur alle min(e) vodern vn(d) nahkome(n) dar vber in de(m) jungste(m) tag antwurte(n) welle
Vnd daz in daz also stet vnd vnzerbrochen belibe des han ich in disen brief gegeben mit mines vorgenante(n) h(er)ren kvnig
hainrichs Infigel mit h(er)n sifrits von Rotenburch phlegers in den Jntal Infigel mit h(er)n chvnratz des helblinges von
Strazfrid Infigel mit minem Infigel vn(d) mit mines vetern hainrichs des Berchting(er)s vz der slivs Infigel di alliv an
disen brief sint gehanket Der geschriben vn(d) gegeben ist do man nah cristes geburte zalt Drivzehen hundert jar vn(d)
dar nah in dem aht vnd zwaintzigistem jar an dem nahstem montag nah d(er) oster wochen