Honorius ep(iscopu)s seruus seruor(um) dei. Vniuersis xp(ist)i fidelibus presentes litteras inspecturis. sal(utem) et ap(osto)licam ben(edictionem). L(itte)ras carissimi in xp(ist)o filij n(ost)ri O. Regis Illustris et Baronum Boemie ip(s)or(um)
sigillis munitas p(er)speximus in hec uerba. O. dei gratia Rex. et Barones Boemie. Vniuersis p(re)sentem paginam inspecturis salutem in d(omi)no. Vniuersitati u(est)re tenore presentium facimus manifestum.
q(uo)d nos approbamus. et rata habemus om(n)ia que a p(ro)curatore n(ost)ro mag(ist)ro Joh(ann)e de Scacario in Romana curia cum ep(iscop)o Pragen(si) sunt acta. que in tenore compositionis subscripte plenius continentur.
cuius tenor est talis. Honorius ep(iscop)s seruus seruor(um) dei. Dilectis filijs. Abbatib(us). p(re)positis. Decanis. et Vniuersis cl(er)icis per Boemiam constitutis. sal(u)t(em) et ap(osto)licam ben(edictionem). Questione sup(er) iurisdictione. decimis
et alijs diuersis articulis. inter Venerabilem fr(atr)em n(ost)r(u)m Andream Pragen(sem) Ep(iscopu)m. et Dilectum filium mag(ist)r(u)m Joh(ann)em p(ro)curatorem Illustris Regis et Baronum Boemie coram nobis diutius agitata idem p(ro)cura
tor Regis et baronum nomine recognouit et dimisit ep(iscop)o eidem et eccl(i)e sue om(n)em libertatem. et om(n)em iurisdictionem que sunt eccl(i)e Boemie siue de iure siue per priuilegia siue per approbatam
consuetudinem acquisite. et specialiter illas quas ip(s)e rex per priuilegia sua eccl(i)e iamdicte concessit. p(ro)mittens q(uo)d de iurisdictione iusticiam ad eccl(i)as sue diocesis pertinentium. coram dilecto filio n(ost)ro. G.
s(an)c(t)i theodorj diacon(o) Cardinalj ap(osto)lice sedis legato. uel alio cui hoc committendu(m) dux(er)it exhibebit iustitie c(om)plem(en)tu(m). Dimisit etia(m) (et) recognouit memorato ep(iscop)o (et) eccl(i)e boem(ie). om(n)ia sp(irit)ualia ista uidelicet saluo patron(orum) iure patronat(us). (et) destitutio(n)es
correctio(n)es (et) iudicia cl(er)icor(um) (et) o(mn)ia alia sp(irit)ualia int(er) q(ue) institutio(n)e(m) intelligim(us) uolu(n)t(es) (com)p(re)he(n)di eo saluo q(uo)d de boleslauien(si) melnicen(si) (et) lutomericen(si) preposituris exhibebitur iustitie plenitudo. coram legato ip(s)o uel alio cui fuerit ab ap(osto)lica sede
commissum. De decimis uero p(ro)misit Regis nomine ac baronum. q(uo)d plene ac integre soluent(ur) et p(re)fato ep(iscop)o et eccl(i)e sue ac alijs eccl(i)is et personis ecclesiasticis sicut de iure debentur. Justitia de
populi decimis tam de preteritis quam futuris coram eodem legato uel alio cui hoc commiserit facienda. Om(n)ia quoq(ue) priuilegia tam Romanor(um) pontificum quam Imp(er)ator(um) et Regum boemie ac ducum.
uel alior(um) eccl(i)is concessa boemie. si eorum restitutionem ex(igant) quas fuisse noscunt(ur). cum possessionib(us) que ad pragen(sem) et alias eccl(i)as et p(er)sonas ecclesiasticas p(er)tinent et e(ss)e ablate noscuntur. q(uo)d si priuile
gia ip(s)ius Regis uel p(re)decessor(um) suor(um) non extant uel sunt forte deperdita. Rex ante relaxationem sententiar(um) excommunicationis et interdicti. que sunt in ip(su)m et barones ac Regnum eius p(ro)late eidem restau
bit sec(un)d(u)m tenorem quem dictus ep(iscop)s suo rep(re)sentet iuramento. Si uero ea que non sunt sua uel p(re)decessor(um) suor(um) sunt deperdita uel destructa. dabit operam bona fide ut eidem restaurentur. Pro hijs aut(em)
in perpetuum obseruandis. ante relaxationem sententiar(um) ip(s)ar(um) p(re)stabitur ex parte regis. et baronum sufficiens cautio sec(un)d(u)m mandatum n(ost)r(u)m q(uo)d Legato fecimus sepedicto. quia propterea dicte sententie relaxant(ur).
Nos autem habentes rata p(re)dicta. ne quid eis desit ad robur plenarie firmitatis de consilio fr(atru)m n(ost)ror(um) auctoritate n(ost)r(a) adicimus decernentes ea in perpetuum ualiturum. Nulli ergo omnino hominum
liceat hanc paginam n(ost)re constitutionis infringere uel ei ausu temerario contraire. Siquis autem hoc attemptare presumpserit indignationem om(n)ipotentis dej. et beator(um) petrj et paulj ap(osto)lor(um) eius se nouerit
incursurum. Dat(um) Lateran(i). iij. Id(us) Januarij. pontificatus n(ost)ri Anno Quinto. Parati etiam sumus cautiones pro predicta co(m)positione seruanda p(re)stare que in litteris Romani pontificis conscriptis exinde continent(ur)
quar(um) tenor est talis. Honorius ep(iscop)s seruus seruor(um) dej. Dilecto filio. G. s(an)c(t)i theodorj diacon(o) Card(inali) apl(ice) sedis legato sal(u)t(em) et ap(osto)licam ben(edictionem). Formam cautionis quam a Rege et baronib(us) boemie a te recipi uolum(us)
pro questione que inter ip(s)os et Pragen(sem) Ep(iscopu)m sup(er) iurisdictione ac alijs articulis uertitur tibi p(re)senti pagina duxim(us) exprimenda. Rex et frater ac primogenit(us) eius p(re)stabunt corporalit(er) iuramentum. (et) sub certa
pena dabunt fideiussores de Regno et extra Regnum. Quatuor uero Barones Regni p(re)stabunt similiter pro se ac pro alijs iuramentum. (et) nichomin(us) sub certa pena dabunt fideiussores in regno. Et si forsitan Rex uel
successores ip(s)ius per se uel per submissos aliquos contravenerint. et requisiti non emendauerint infra certum terminum. eisdem a te uel alio legato seu delegato sedis apl(ice) assignandum. uel si barones uel successores eor(um) con
trauenerint. per se uel etiam per submissos. (et) ip(s)i Rex uel successores eius requisiti eos ad satisfaciendum infra certum terminum sicut supradictum est assignandum eisdem non co(m)pulerint iuxta posse. pena contentus co(m)
mittatur. Q(uo)d si uel penam soluere uel ea soluta satisfacere recusauerint. post primam uel sec(un)d(u)m amonitionem exco(mmun)icatio(n)is in ip(s)os et in terram interdicti sententie proferant(ur). eadem lege seruanda circa barones qui fuerint
in ip(s)o negotio transgressores. Hanc autem cautionem conuocatis ep(iscop)is uicinis et prelatis. cum ea sollempnitate recipies quam ip(su)m negotium uideris postulare. Dat(um) Lateran(i). x. kl(endas) februarij. pontificat(us) n(ost)ri Anno Quinto. Con
cessimus etiam integram securitatem et plenam ip(s)o p(re)dicto et suis om(n)ib(us) ac reb(us) eor(um) data fide in manib(us) Venerabilis patris n(ost)ri d(omi)ni G. s(an)c(t)i theodorj diacon(i) Card(inalis). apl(ice) sedis legati. et pacis osculo inter nos (et) ip(su)m
initum. Possessionem aut(em) totius ep(iscop)atus Pragen(sis) cum ablatis om(n)ib(us) a die co(m)positionis p(re)fate restatui fecim(us) in manus d(omi)ni Cardinalis ad cui(us) rei p(er)petuam firmitatem has litteras conscribi fecim(us). et n(ost)ris sigillis mu
nimine roborari. Ne igitur sup(er) hijs dubitari possit in posterum. presentes litteras n(ost)re bulle munimine roboratas eidem ep(iscop)o et eccl(i)e sue concessimus in testimonium et cautelam. Dat(um) Signie. x. kl(endas) Julij.
Pontificatus n(ost)ri Anno Septimo.