In nomine patris et filii et spiritus sancti amen. Nos Wencezlaus dei gratia Bohemorum rex gratus cupientes ut opera caritatis christi que olim in patre nostro precesserunt per nos plenius elucescant ob amorem dei omnium saluatoris
et reuerentiam ecclesie Pragensis de cuius gremio regni suscepimus diadema priuilegium serenissimi patris nostri felicis memorie Ottakari illustris bohemorum regis tercii cuius inscriptum inferius est subiectum pleno affectu
renouandum duximus sub hac forma. Nos O(ttakarus) dei gratia bohemorum rex vniuersis christi fidelibus presentis priuilegii litteras inspecturis. Humane nature condicio semper trahit ad se miseriam et defectum et quanto plus homo
in hoc mundo foris insecatys rebus inuoluitur tanto magis uirtus interior extenuatur. Vnde ueram credimus salubris consilii medicinam ut sicut quis cadit per uicium sic assuescat resurgere per uirtutem maxime ius restituendo
alienum quod nullus posset absque peccato et mortis interitu detinere credere iure possumus et debemus. Hinc est igitur quod uniuersos uolumus non latere quod cum inter nos et uenerabilem patrem Andream preiensem episcopum super
libertate pragensis ecclesie et aliis articulis apud examen sedis apostolice questio uerteretur per sanctissimi patris domini Honorii tercii summi pontificis prouidenciam de uoluntate parcium est statutum ut deperdita priuilegia nostra et
antecessorum nostrorum quorum tenorem idem episcopus suo iuramento planauit nos restaurare pariter episcopatui et ecclesie deberemus. Pro quo siquidem et aliis adimplendis cum uenerabilis pater dominus Gregorius de crescencia sancti
Theod(ori) dyaconus cardinalis in regno bohemie legacionis officio fungeretur et idem in ipsius episcopi uenerabilis patris domini legati presencia multis astantibus episcopis abbatibus et aliis ecclesiarum prelatis et maioribus baronibus
regni nostri secundum tenorem infra positum prestitit iuramentum. Nos omnia que iurauit adimplere cupientes episcopatui et ecclesie presens priuilegium deperditum taliter restauramus. Ad honorem igitur dei patris et beatorum
martyrum Viti Wencezlai et Adalberti patronorum nostrorum pro remissione peccatorum et antecessorum nostrorum animabus concedimus et donamus pragensi episcopatui et ecclesie et hominibus tam ipsius episcopi quam ecclesie omnem liber
tatem et remittimus ipsi episcopatui et ecclesie et hominibus eorundem omnem exactionem siue inquietacionem. Vendicionem. Narok. Zwod. Hlaua. Vrez. collectas generales. Edificaciones castrorum. fossata. Preseku.
Prouod. straz. et omnia alia grauamina. Et siquis de hominibus episcopatus uel ecclesie pragen(sis) furtum uel rapinam uel aliam huiusmodi grandem culpam perpetrauerit pro tanto criminis sentencie regie potestati subiaceat et
pragensis ecclesia uel episcopatus cuius homo erat ipsius sibi uendicet facultates. Siquis eciam in bonis episcopatus uel ecclesie pragens(is) homicidium presumpserit perpetrare et homicida euaserit consanguinei interfecti reym iure tire petunt
ita tamen quod homines ecclesie et episcopatus conseruentur indempnes. Podiuin eciam quod aliquando eiusdem fuit ecclesie cum omnibus iuribus suis accessionibus et pertinenciis de regia munificencia concedimus et donamus.
Ad huius igitur nostre restitucionis concessionis et donacionis noticiam et inuiolabile firmamentum coram infra positis testibus presens priuilegium per manum Hermani notarii et capellani nostri fecimus fieri et ipsum nostri sigilli
munimine mandauimus insigniri. Anno dominice incarnacionis m. cc. xxii. Nonas Iulii. Indictione. x. In monte Skach. presidente in romana ecclesia domino Honorio tercio. Regnante uero in imperio domino friderico. in presen
cia domini Gregorii de crescencia sancti Theod(ori) dyaconi cardinalis apostolice sedis legati. Testes autem sunt hii. dominus Robertus olomucensis episcopus. dominus Iohannes curiensis episcopus. dominus Laurencius Wratislauiensis episcopus. dominus Lupoldus
Austrie et Stirie dux. Comes Conradus de hardek. dominus Poppo prepositus bumbergensis. Sluhomil abbas de breunou. Hermanus abbas de Wilamos. Regnerus abbas de insula. Iohannes abbas de gradich.
Bertoldus abbas de strahou. Gerlacus abbas de mileusk. Widmus abbas de siloa. Hermanus abbas de lutomisl. bonifacius abbas de hradisch. Florianus abbas de luca. Wernerus abbas sancte crucis.
Hubertus prepositus niumburgensis. Vecho abbas de loccunto. Luidius abbas de laniueld. marquardus abbas de zuethla. Heinricus ducis austrie notarius. Marquardus prepositus sancti ypoliti. bauari
budiuoy. bozuta. Jaris. Vtihec. Heinricus frater eius. Boguzlaus. Suatozlaus. Sulizlaus. Holsch. Diuis barones bohemie. et fillii eorum et c(etera). Datum Sygme. vi. Idus Iulii. Vt autem priuilegium presens
nostris temporibus renouatum robur obtineat firmitatis ipsum sigilli nostri caractere insignimus. Datum prage anno gratie m. cc. xl. ix. xiiii. kalendas Augusti pontificatus uenerabilis patris domini Nycolai episcopi pragen(sis) anno. ix.