Johannes ep(iscopu)s seruus seruor(um) dei Dilecto filio . . Priori generali ordinis fratrum beate Marie
de Montecarmeli Salt(em) et ap(osto)licam ben(edictionem) . Religionis tue sinceritas promeretur ut te et ordinem tuu(m) aplice
benignitatis gratia prosequentes petitiones tuas quantum cum deo possumus ad exauditionis gratiam admittamus .
Tuis itaq(ue) supplicationibus inclinati ut fratres tui ordinis de tui seu prior(um) suor(um) Prouincialium licentia
a quocumq(ue) maluerint catholico Archiep(iscop)o uel Ep(iscop)o gratiam et communionem aplice sedis habente omnes tam
minores qua(m) sacros ordines statutis a iure temporibus recipere ualeant tibi et eisdem prioribus pre
sentandi ac eisdem fratribus recipiendi dictoq(ue) Archiep(iscop)o uel Ep(iscop)o conferendi dictos ordines quacumq(ue)
constitutione in contrarium edita non obstante auc(tori)tate presentium indulgemus Nulli ergo
omnino hominum liceat hanc paginam n(ost)re concessionis infringere uel ei ausu temerario contraire Siquis
autem hoc attemptare presumpserit indignationem omnipotentis dei et beator(um) Petri et Pauli Ap(osto)lor(um) eius
se nouerit incursurum . Dat(um) Auinion(e) v . K(a)l(endas) Aprilis Pontificatus n(ost)ri Anno Septimo .