Clemens VI Servus Servorum Dei ad perpetuam rei memoriam:
Personarum illustrium votis illis praesertim quae veneratio=
nem Sanctorum respiciunt, tenemur et cupimus favorabiles
inveniri. Exhibita siquidem Nobis dilecti filij Nobilis
viri Caroli Marchionis Moraviae primogeniti charissimi
in Christo Filij Nostri Joannis Regis Bohemiae Illustris pe=
titio continebat, quod ipse ob devotionem, et reverentiam Sancti
Wenceslai olim Regis Bohemiae de novo fieri fecit quoddam
satis pretiosum Regium Diadema illudq(ue) glorioso capiti
dicti Sancti, cujus corpus in Pragensi requiescit Ecclesia,
donavit, et fecit apponi ea intentione ut ab ipso capite
non debeat amoveri nisi duntaxat quando Regem Bohe=
miae, qui pro tempore fuerit de novo coronari, vel alia
per eundem Regem Solemnia quae Regalis Diadematis
usum exigerent in Civitate, vel SubUrbijs Prag(ensibus) celebrari
contingeret, quo casu liceret praefato Regi Diadema ipsum
recipere, sic tamen quod ipsum eadem die Coronationis,
vel celebrationis hujusmodi, eidem Beato capiti reponere
teneatur. Verum quia Ipse Marchio sicut eadem sub=
jungebat petitio pertimescit, ne aliqui propter magnam
pretiositatem ipsius Diadematis, seu aliam causam ipso
Diademate in alijs abuti praesumant, Nobis humiliter
Supplicavit, ut super hoc de opportuno providere remedio
dignaremur. Nos igitur Ipsius Marchionis in hac parte
devotis Supplicationibus inclinati, auctoritate praesentium
districtius inhibemus, ut nullus tam Ecclesiasticus, quam
Laicus cujuscunq(ue) praeeminentiae, dignitatis, aut status