Carolus Dei Gratia Rom(anorum) Rex semper Augustus &
Boemiae Rex notum esse volumus tenore praesentium univer
sis, quod quia zelo pietatis inducti afectantes salutem animae nostrae
in eo salubrius. Proinde Monasterio S(ancti) Hyeromini Sla(v)orum ord(inis)
S(ancti) Benedicti novae fundationis nostrae in nova civitate nostra Pra
gensi situato, & fratribus in eo existentibus hanc gratiam de libe
ralitate nostra Regia, ut eo libentius, & perfectius pro nobis DEUM
exorent, duximus faciendam. Ita videlicet, quod iidem fratres ab
omni solutione teloniorum per totum nostrum Regnum Boemiae perpe
tuis temporibus quocunque cum rebus suis perrexerint, sint & esse debeant
liberi & exempti. Mandamus igitur universis & singulis teloniatoribus
per Boemiam, & specialiter in villa Cruciferorum Hospitalis Pragensis in pede
pontis dicta Zupanowicze, item in villa Praepositi Pragensis devoti nostri dicta Bra
nik, item in villa Praepositi Wissegradensis dicta Podol, item in Podskal super
alveo aquae Wltaviensis, item circa praedictum hospitale in eodem ponte,
item circa portam minoris Civitatis Pragensis sub castro versus Monaste
rium Strahovense praefatum telonium coligentibus & recipientibus, gra
tiae nostrae sub obtentu, ne quis antedictos fratres Slavos, & eorum nuntios
ac homines occasione receptionis telonij decetero praesumat vel audeat in
aliquo gravare sub harum nostrarum literarum. Datum Pragae A(nn)o
D(omi)ni 1349. 12 Kalendas Decembris Regnorum nostrorum Quarto.