Urbanus Episcopus Servus Servorum Dei Venerabili
Fratri Archi=Episco(po) Pragensi Salutem et Apostolicam Benedic=
tionem. Plenitudo devotionis eximiae quam Carissimus in Christo
filius noster Carolus Romanorum Imperator semper Augustus
et Boemiae Rex, ad Nos et Romanam gerit Ecclesiam promeretur, ut
votis suis, in his praesertim, quae decorem et solemnitatem divini
Cultus respiciunt liberaliter annuamus. Sane cum dudum ad In=
stantiam Imperatoris ejusdem, dilectis filijs Canonicis tuae Pragen=
sis Ecclesiae duxerimus concedendum, ut quotienscumq(ue) contigeret
Pragen(sem) Archi=Ep(iscop)um, qui esset pro tempore, in dicta Ecclesia Pra=
gensi in Pontificalibus celebrare, omnes et singuli Canonici ipsius
Ecclesiae Pragen(sis) mitris seu Infulis Albis, sine quocunq(ue) ornatu,
licite uti possent, Nos ad Reverentiam Dei, et augmentum hono=
ris Archi=Ep(iscopa)lis dignitatis, volentes concessionem hujusmodi am=
pliare, ut quotiescunq(ue) te et successores tuos Archi=Ep(iscop)os Pragen(ses)
tam in praedicta Pragensi, quam in alijs Ecclesijs tuae Provin=
ciae, ac partium in quibus legationis officium per nos tibi et eis=
dem successoribus noviter est concessum contigerit in Pontifica=
libus celebrare, duo ex eisdem Canonicis, quos tu, et quilibet
eorundem successorum ad serviendum vobis in diaconatus et
subdiaconatus officijs duxeritis assumendos, hujusmodi facien=
tes officia dictis Infulis uti valeant, tenore praesentium
indulgemus. Nulli ergo omnino hominum liceat hanc paginam
nostrae concessionis infringere vel ei ausu temerario contraire.
Si quis autem hoc attemptare praesumpserit, indignationem omni=
potentis Dei et Beatorum Petri et Pauli Apostolorum ejus
se noverit incursurum. Dat(um) Avinion(e), 3(ti)a Cal(endas) Junij Ponti=
ficatus Nostri Anno tertio.
L
Jo(hannes) de Angicuria.
Nic(olaus)
B. de Rupe.