Extractus ex Lib: Erectionum Lib: II. P: 4.
Litera Erectionis Altaris S. Wenceslai
in Ecclesia Pragensi.
Joannes Dei Gratia S. Pragens(is) Ecclesiae Archiepiscopus, Apos=
tolicae Sedis Legatus. Universis quibus praesentes exhibitae
fuerint, salutem in D(omi)no. Literas Serenissimae Principis, D(omi)nae
Elisabeth, Divina favente Clementia, Romanorum Imperatri=
cis semper Augustae, et Bohemiae Reginae, in Pargamemco scrip=
tas, Sigillo ipsius pendenti, in Capsulis Pargameni sigillatas, sa=
nas, et integras, non rasas, non cancellatas, nec in aliqua sui parte
suspectas, sed omni prorsus vitio, et suspicione carentes, nobis
pro parte dictae D(omi)nae Imperatricis, praesentatas, nos accepisse
noviter in haec verba.
Elisabeth, Divina favente clementia Romanorum Imperatrix
semper Augusta, et Bohemiae Regina, ~[crossed out text]~
Venerabili Joanni, Archiepiscopo Pragensi, Sedis Apostolicae Le=
gato, devoto, pio, dilecto, gratiam suam, et omne bonum.
Quoniam Imperialis Celsitudinis nativa clementia, et clarissima
Excellentia, Regiae dignitatis cultum D(e)o sinens, et ad opera
pietatis ferventer aspirans, habet hoc de more laudabili, quod
pro augmento cultus Divini libenter manus apponat, et si de
facultatibus temporalibus, pro augmento spiritualium elar=
gitur. Nos volentes exemplo ducto laudabili, de innata
et solita nostra munificentia esse vestigiorum eiusmodi
imitatrix, cultum Divinum nostris temporibus Auctore
D(omi)no decrevimus dilatare. Licet autem omnium Venerabi=
lium locorum statum desideremus nostris prosperare tempori=
bus, praesertim tamen Ecclesiam Pragensem, quae multarum
Dioecesium, et Provinciarum, propter praerogativas multipli=
ces, et Insignia dignitatum, disponente D(omi)no Mater est et
Magistra, in qua Ecclesia recolendae memoriae Regum, et