Bonifatius ep(iscopu)s seruus seruor(um) d(e)i Venerabilibus fratribus .. Archiep(iscop)o Pragen(si) et .. Ep(iscop)o Tuden(si) ac dilecto filio
.. Officiali Pragen(si) Sal(u)t(em) et ap(osto)licam ben(edictionem). Sincere deuotionis affectus quem dilectus filius mag(iste)r Petrus de Wsseub(er)g Canonicus Pragen(sis)
litterar(um) ap(osto)licar(um) Corrector ad nos et Roman(am) gerit eccl(esi)am promeretur ut petitiones suas ad exauditionis gratiam admittamus. Hodie
siquidem prefato Petro ut de bonis suis undecumq(ue) alias tamen licite acquisitis que ad ip(su)m omnimode pertinere dinoscuntur libere
testari ualeat per alias n(ost)ras litteras concessimus facultatem ac omnibus et singulis Collectoribus et Succollectoribus fructuum et
prouentuum Camere ap(osto)lice debitor(um) et alijs bona credita et debita p(re)lator(um) seu personar(um) eccl(esi)asticar(um) exigentibus et quibuscunq(ue)
alijs cuiuscunq(ue) dignitatis status gradus uel conditionis existerent etiam si pontificali uel alia quacunq(ue) eccl(esi)astica uel mundana preful
gerent dignitate duximus inhibendum ne Executores testamenti siquod dictum Petrum condere contigerit ac heredes suos et alios quor(um)
interesset occasione dicti testamenti ac bonor(um) dicti Petri molestare presumerent et si secus attemptarent excommunicationis sententiam
incurrerent ip(so) facto. Nos igitur uolentes ut concessio n(ost)ra p(re)dicta circa Executores huiusmodi heredes et alios p(re)dictos obseruetur ne
per quosuis huiusmodi testamentum contingat impediri discretioni u(est)re per ap(osto)lica scripta mandamus quatinus uos uel duo aut Vnus
u(est)r(u)m per uos uel alium seu alios non permittatis p(re)dictos Executores heredes et quoscunq(ue) alios quor(um) interest ut prefertur per
Collectores Succollectores et alios sup(ra)dictos contra tenorem concessionis huiusmodi quomodolibet molestari seu etiam impediri. Contradictores
auctoritate n(ost)ra appellatione postposita compescendo. Non obstantibus si eisdem Collectoribus et Succollectoribus et alijs p(re)dictis uel
quibusuis alijs communiter uel diuisim a sede ap(osto)lica sit indultum q(uo)d interdici suspendi uel excommunicari non possint per litteras ap(osto)licas non
facientes plenam et expressam ac de uerbo ad uerbum de indulto huiusmodi mentionem. Dat(um) Rome ap(ud) S(anctum) Petrum ix Kal(endas) Julij
Pontificatus n(ost)ri Anno Primo.
Duplicata g(ra)tis pro socio
Jo. de malesic(is)