Bonifatius ep(iscopu)s seruus seruorum dei
Nuper cum felicis recordationis Vrbanus p(a)p(a) vj p(re)decessor n(oste)r ex certis rationabilibus causis ad id animum eius inducentibus de consilio fratrum suorum de quor(um) numero tunc eramus et ap(osto)lice potestatis plenitudine statuisset ut uniuersi xp(ist)ifideles uere penitentes et confessi qui in Anno a natiuitate domini millesimo trecentesimo nonagesimo extunc instanti tunc futuro et deinceps p(er)petuis futuris temporib(us) de centum in centum Annis in Trinitatis Annis beator(um) Ap(osto)lor(um) Petri et Pauli ac Lateranen(si) et s(an)c(t)e Marie maioris de Vrbe basilicis causa deuotionis uisitarent plenissimam omnium peccator(um) suor(um) ueniam consequerentur ita uidelicet ut quilibet qui ueniam ipsam uellet assequi si Romanus adminus Triginta diebus continuis uel interpolatis saltem semel in die si uero peregrinus aut forensis existeret modis p(re)missis quindecim diebus ad basilicas p(re)dictas accedere tenerentur. Nos ex certis causis rationabilibus ad id etiam n(ost)r(u)m inducentibus animum de fratrum n(ost)ror(um) consilio et ap(osto)lice potestatis plenitudine statuimus ut xp(ist)ifideles forenses aut peregrini uere penitentes et confessi qui a k(a)l(endis) Ianuarij proxime p(re)teriti tunc futuri usq(ue) ad p(ri)ncipium dicti Anni nonagesimi p(re)dictas basilicas quindecim diebus continuis uel interpolatis ad easdem Basilicas et eccl(esi)as saltem semel in die causa deuotionis accederent plenissimam omnium peccator(um) suor(um) ueniam consequerentur. Et deinde cum p(re)dicti p(re)decessoris adiecimus ut illi ex peregrinis et forensibus supradictis quos pro huiusmodi indulgentia consequenda ad easdem basilicas et eccl(esi)as accedentibus a dictis k(a)l(endis) usq(ue) ad Quadragesime p(ri)ncipium huiusmodi contingeret legitime impediri quominus interim ad dictam Vrbem ualere(n)t p(er)uenire uel si in itinere aut in Vrbe p(re)taxato numero non completo in diebus ta(n)dem de Vrbe decederent uere penitentes ut p(re)mittitur et confessi eandem indulgentiam consequerentur prout in n(ost)ris et eiusdem p(re)decessoris l(itte)ris confectis alias in suo robore duraturis. Et insuper ad omnium notitiam deduximus q(uo)d ad populi deuotionem augendam in eccl(esi)a s(an)c(t)i Petri p(re)dicta illam ymaginem quam Veronicam seu Sudarium appellant necnon p(re)dictor(um) Ap(osto)lor(um) capita post k(a)l(endas) p(re)dictas singulis sequentibus dominicis diebus et in festiuitatibus p(ri)ncipalibus etiam benedictionem publicam et solennem fideli populo largiremur. Et deinde cum statuta adiectionis et deductionis necnon huiusmodi l(itte)ras ex certis causis ad id n(ost)r(u)m mouentibus animum statutum adiectionem et deductionem uia huiusmodi alias iuxta eor(um) formam usq(ue) ad festum Resur(re)ctionis d(omi)nice proxime futurum per alias n(ost)ras l(itte)ras duximus prorogandas prout in p(re)dictis eiusdem p(re)decessoris et n(ost)ris inde confectis l(itte)ris plenius continetur. Cum autem sicut n(ost)re menti sane noscitur Nos ex similibus causis statutum adiectionem ac deductionem et prorogationem uia huiusmodi alias iuxta eor(um) formam usq(ue) ad festum Pentechostes proxime futurum de consilio et potestate p(re)dictis auct(or)itate ap(osto)lica tenore p(re)sentium prorogamus. Nulli ergo omnino hominum liceat hanc paginam n(ost)re prorogationis infringere uel ei ausu temerario contraire. Siquis autem hoc attemptare p(re)sumpserit indignationem omnipotentis dei et beator(um) Petri et Pauli Ap(osto)lor(um) eius se nouerit incursurum.
Dat(um) Rome apud Sanc(tum) Petrum iiij k(a)l(endas) Aprilis Pontificatus n(ost)ri Anno Secundo.