Bonifacius episcopus seruus seruorum dei ad perpetuam rei memoriam
Specialis beniuolencie plenitudo quam ad Pragensem ecclesiam ex certis causis uisceribus gerimus ueluti ad filiam predilectam necnon ad dilectos filios . . Decanum et Capitulum ac personas eiusdem ecclesie qui tam nobis
quam predecessoribus huiusmodi firmitate et catholice religionis tamquam uiri prudentes ipsi fidei et deuocionis constancia se opponentes in huiusmodi fide ac deuocione inconcusse perstiterunt et persistunt merito nos inducit
ut ad ea que tam eiusdem ecclesie quam ipsorum Decani et Capituli ac personarum statum pacificum et tranquillum commodumque concernere dinoscuntur paterna solicitudine intendamus eaque fauoribus apostolicis quatenus prosequamur
Sane per nos alias intellecto quod cum dudum dilectus filius Iohannes Abbas monasterij Scotorum in Wyenna ordinis sancti Benedicti Patauiensis diocesis Conseruator dilectis filijs Capitulo ecclesie Olomucensis contra
inferentes eis in rebus et bonis eorum iniurias uel iacturas a sede apostolica ipsius sedis litteris deputatus ad dictorum Capituli assercionem quod dilectus filius Nobilis uir Procopius Marchio Morauie eis et ecclesie
Olomucensi predicte nonnulla grauia dampna et iniurias intulerat in expressa ad instanciam et requisicionem contra eundem Marchionem et quosdam alios tunc in hinc parte complices tunc eciam expressos nonnullos
ignotos processus diuersas excommunicacionum et alias sentencias et penas in se continentes emisisset. Et dilecti filij Decanus et Capitulum ecclesie Pragensis ut processus huiusmodi exequerentur et publicarent pro
parte dictorum Capituli Olomucensis requisiti fuissent ipsi Decanus et Capitulum ecclesie Pragensis considerantes pericula que eis et dicte ecclesie pragensi exinde prouenire possent ac propterea id facere non audentes a requisi
cione huiusmodi ad sedem apostolicam appellassent. Nos causam appellacionis huiusmodi dilecto filio Iacobo Electo Aquilensi Capellano nostro et Auditori causarum palatij apostolici ad dictorum Decani et Capituli ecclesie Pragensis
instanciam audiendam commisimus et fine debito terminandam qui huiusmodi causa pendente sentencias per quas inter cetera per prefatos Decanum et Capitulum ecclesie Pragensis a requisicione huiusmodi peracta male
fuisse et esse appellatum ipsosque in penas et sentencias in processibus huiusmodi contentas incidisse ac ipsos ligatos fuisse et esse pronunciauit et declarauit promulgauit a qua pro parte Decani et Capituli ecclesie pragen(sis)
predictorum ad sedem appellatum extiterat antedictam. Nos igitur causam appellacionis huiusmodi ab eadem sentencia et nonnullis grauaminibus interiecte dilecto filio magistro Nicolao de Vidis Capellano nostro et causarum dicti
palatij Auditori audiendam commisimus et fine debito terminandam. Idemque Nicolaus Auditor in huiusmodi causa ad nonnullos actus inter partes ipsas dicitur processisse. Nosque postmodum statu cause huiusmodi ac tenore pro
cessuum et omnia premissorum habentes tunc pro sufficienter expressis specifica declaracione causam ipsam ad nos per uiam licet non ex certis causis tunc ad id inducentibus aduocauimus ac motu proprio non ad ipsorum Decani et Capituli
ecclesie Pragensis uel alicuius alterius super hoc nobis oblate peticionis instanciam sed de nostra mera liberalitate aduocauimus eamque in eo statu in quo tunc erat necnon suspensionis interdicti ac alias sentencias atque penas siquas
ipsi Decanus et Capitulum ecclesie Pragensis premissorum occasione forsan incurrerant et processus propterea contra eos habitos usque ad unum beneplacitum suspendimus eosque ab excommunicacionis et alijs sentencijs et penis
huiusmodi per easdem nostras litteras duximus absoluendos. Iniungentes nichilominus Nicolao Auditori et Conseruatori prefatis ac quibusuis alijs ne uidelicet Nicolaus Auditor in eadem causa quicquam ad cuiusuis instanciam
ad ulteriora procedere uel ipse Conseruator et alij huiusmodi contra eosdem Decanum et Capitulum ecclesie Pragensis premissorum pretextu quicquam innouare seu attemptare quoquo modo presumerent prout in eisdem nostris
inde confectis litteris plenius continetur. Cum autem prefati Decanus Pragensis ac eiusdem et Olomucensis ecclesiarum Capitula in certum magistrum dilectum filium Andream Decanum ecclesie Olomucensis predicte tamquam in arbitrum
et arbitratorem super huiusmodi lite et controuersia et alijs premissis extra Romanam Curiam sub certa pena compromiserint. Idemque Andreas Decanus equum inter partes ipsas tulit arbitrium quod partes ipse mox emologa
uerunt prout in instrumento publico inde confecto plenius continetur. Nos qui pacem et concordiam querimus singulorum et precipue personarum ecclesiasticarum subditorum et ecclesie Romane deuotorum. Volentes circa hec prefatis Decano
et Capitulo ecclesie Pragensis paterna solicitudine prouidere et ut inter ipsos Capitula scincere caritatis amfractibus pace amotis illibata conseruetur et habentes omnia et singula per ipsum Andream Decanum lata et arbitrata
pro sufficienter expressis arbitrium arbitramentum laudum concordiam transaccionem aliaque omnia et singula per ipsum Andream lata et arbitrata auctoritate apostolica tenore presencium ex certa sciencia ratificamus approba
mus et eciam confirmamus. Supplentes omnes defectus siqui forsan interuenerint in premissis ipsaque perinde ualere uolumus ac si cum plenaria cause cognicione et uocatis quorum interest facta fuissent excommunica
cionis uero suspensionis et interdicti et alias sentencias atque penas siquas ipsi Decanus et Capitulum ecclesie Pragensis singularesque persone et siquas forsan interesse premissorum occasione forsan incurrerunt et pro
cessus predictorum ad dictorum in Curia Romana habitos ac sentenciam per prefatum Iacobum Electum tunc Auditorem ut prefertur latam et quicquid inde secutum extitit tollimus irritamus cassamus annullamus et
uacuamus ac cassa nulla et irrita nulliusque roboris esse uolumus uel momenti ipsosque nichilominus Decanum et Capitulum ecclesie Pragensis singularesque personas eiusdem et alias siquas interesse ab huius
modi excommunicacionum suspensionum et interdicti necnon irregularitatis siquas forsan occasione premissorum celebrando diuina uel alias se illis immiscendo contraxerint alijsque penis et sentencijs huiusmodi sublatis
ex superabundanti et ad cautelam auctoritate predicta absoluimus super huiusmodi irregularitate dispensamus districcius inhibentes Nicolao Auditori et Conseruatori prefatis ac quibusuis alijs ne uidelicet
Nicolaus Auditor decetero in causa ipsa ad cuiusuis instanciam ad ulteriora procedere uel ipse Conseruator et alij huiusmodi contra eosdem Decanum et Capitulum ecclesie Pragensis premissorum pretextu qu
icquam innouare seu attemptare quoquo modo presumant. Decernentes exnunc irritum et inane si secus super hijs a quoquam quauis auctoritate scienter uel ignoranter contigerit attemptari. Nulli ergo om
nino hominum liceat hanc paginam nostre ratificacionis approbacionis confirmacionis supplecionis uoluntatis ablacionis cassacionis annullacionis reuocacionis absolucionis dispensacionis inhibicionis et constitucionis
infringere uel ei ausu temerario contraire. Siquis autem hoc attemptare presumpserit indignacionem omnipotentis dei et beatorum Petri et Pauli Apostolorum eius se nouerit incursurum.
Dat(um) Rome apud Sanctum petrum iij Non(as) Ianuarij Pontificatus nostri Anno Tercio